مايمىل شەشەگى ازياداعى ەكى مەملەكەتتە تىركەلدى

نۇر-سۇلتان. قازاقپارات - نيۋ-دەلي بيلىگى ءۇندىستان استاناسىندا مايمىل شەشەگىن جۇقتىرعان العاشقى ناۋقاستىڭ انىقتالعانىن ءمالىم ەتتى.

ءتيىستى مالىمدەمەنى دەلي ۇلتتىق استانالىق وكرۋگىنىڭ باس ءمينيسترى جاسادى، دەپ حابارلايدى قازاقپارات COVID-19 تارالۋىنا جول بەرمەۋ جونىندەگى ۆەدومستۆوارالىق كوميسسياعا سىلتەمە جاساپ.

«باتىس دەليدىڭ 31 جاستاعى تۇرعىنى ءۇش كۇن بۇرىن اۋرۋدىڭ بەلگىلەرىمەن اۋرۋحاناعا ءتۇستى، سەنبىدە ونىڭ ۇلگىلەرى ۇلتتىق ۆيرۋسولوگيا ينستيتۋتىنا جىبەرىلدى، جەكسەنبىدە دياگنوز راستالدى. ءۇندى اۋرۋحانالارىنىڭ بىرىندە (Nayak Jai Prakash Narayan Hospital) وسى اۋرۋدى ەمدەۋ ءۇشىن ارنايى يزولياتور ۇيىمداستىرىلدى»، - دەلىنگەن ۆ ا ك-تىڭ تەلەگرام كانالىنداعى حابارلاماسىندا.

سونداي-اق، جاپونيا استاناسىندا دا مايمىل شەشەگى تىركەلدى.

Kyodo اگەنتتىگىنىڭ حابارلاۋىنشا، ينفەكسيا ەۋروپادان ورالعان 30 جاستاعى ەر ادامنان انىقتالعان. توكيو اكىمشىلىگىنىڭ مالىمەتى بويىنشا ناۋقاس 15-شىلدەدە ءوزىن جايسىز سەزىنگەن. دەنە قىزۋى كوتەرىلىپ، بورتپەلەر شىعىپ، باسى اۋىرعان. قازىر ناۋقاس اۋرۋحانادا جاتىر.

ايتا كەتسەك، 23-شىلدەدە دۇنيەجۇزىلىك دەنساۋلىق ساقتاۋ ۇيىمى مايمىل شەشەگىنىڭ ءورشۋىن جاھاندىق توتەنشە جاعداي دەپ جاريالادى. ۇيىمىنىڭ مالىمەتىنشە، قازىر 75 ەلدە اتالعان اۋرۋعا 16 مىڭنان استام ادام شالدىعىپ، 5 ادام كوز جۇمعان.