يتاليانىڭ تورتتەن ءبىرى شولگە اينالۋى مۇمكىن

نۇر-سۇلتان.قازاقپارات - قۋاڭشىلىق زاردابىن تارتىپ وتىرعان ەلدەردىڭ ءبىرى يتاليا. ەل اۋماعىنىڭ تورتتەن بىرىنە شولگە اينالۋ قاۋپى ءتونىپ تۇر.

سالدارىنان اۋىل شارۋاشىلىعى سالاسىنا 6 ميليلارد ەۋرو شىعىن كەلۋى مۇمكىن. ماكارون ونىمدەرىن جاساۋ ءۇشىن قولدانىلاتىن بيداي 30 پروتسەنتكە قىسقارادى دەگەن كۇدىك بار. جۇگەرى ادەتتەگىدەن ەكى ەسە از جينالعان. بيىل قۇرعاقشىلىققا بايلانىستى يتاليانىڭ 5 وبلىسىندا توتەنشە جاعداي جاريالاندى. ەلدەگى ەڭ ءىرى پو وزەنىندە سۋ دەڭگەيى كەيىنگى 70 -جىلدا بولماعان ەڭ تومەنگى كورسەتكىشكە جەتكەن. ۆەرونا قالاسىندا تىرشىلىك ءنارىن تۇتىنۋ بويىنشا شەكتەۋ ەنگىزىلدى. ال ميلاندا ۇنەمدەۋ شاراسى رەتىندە سۋ فونتاندارى وشىرىلگەن.

ستەفانو بوسكەتتو، فەرمەر:

- سۋدى ەڭ كوپ قاجەت ەتەتىن سالانىڭ ءبىرى اۋىل شارۋاشىلىعى. الايدا مىناداي جاعدايدا ءبىراز فەرمەر جەپ وتىرعان نانىنان ايىرىلىپ قالۋى مۇمكىن. 80-90 -جىل بۇرىن بىزدە ارتىق سۋدى سورعىمەن ايداپ شىعارىپ تاستاپ وتىراتىن. ال ەندى ونىڭ تاپشىلىعى تۋىندادى.

قىزىق. ۋاقىت وتە كەلە جاعداي وزگەرىپ شىعا كەلدى. سوندىقتان بارىنە دايىن بولۋ كەرەك. اۋىل شارۋاشىلىعىنداعى پروبلەمالاردى شەشۋدىڭ تىڭ جولدارىن ىزدەگەن ءجون. پورتۋگاليادا دەمالىس ورىندارىندا سۋدى تۇتىنۋ شەكتەلدى پورتۋگاليانىڭ قورشاعان ورتانى قورعاۋ مينيسترلىگى الگارۆي شيپاجايىندا سۋدى تۇتىنۋ بويىنشا شەكتەۋ ەنگىزدى. بۇل تالاپ دەمالىس ورىندارىنا قاتىستى. مۇندا دا قۋاڭشىلىق ماسەلەسى ءورشىپ تۇر. جەمىس- جيدەك وسىرەتىن فەرمەرلەر شاش ەتەكتەن شىعىنعا باتقاندارىن ايتادى. ويتكەنى الما مەن المۇرتتىڭ ۇشتەن ءبىرى قۋراپ كەتكەن. اۋىل شارۋاشىلىعى سالاسىنداعى پروبلەمالار كاسىپكەرلەردىڭ دە قالتاسىن قاعىپ وتىر.

انتونيو سيمونەش، ەت ساتاتىن دۇكەن يەسى:

- قۇرعاقشىلىق پەن الەمدەگى گەوساياسي احۋال كەسىرىنەن باعالار 70 پروتسەنتكە دەيىن ءوستى. ەتتى قايتا- قايتا قىمباتتاتا بەرۋگە بولمايدى. ونى حالىقتىڭ قالتاسى كوتەرمەيدى. تاقاۋدا جاقىندارىممەن ەت ساتۋدى قويسام قايتەدى دەپ اقىلداستىم. ويتكەنى بۇل تۇرىمەن كاسىبىم ءتيىمسىز بولاتىن ءتۇرى بار. سۋدى تۇتىنۋ مولشەرىن قىسقارتۋ كەرەك فرانسيا فرانسيادا 96 دەپارتامەنت بولسا، بيلىك سونىڭ 88 ىندە سۋدى پايدادانۋ بويىنشا شەكتەۋ ەنگىزۋگە تاپسىرما بەرىلدى. ماسەلەن، فەرمەرلەر ونى تۇتىنۋ مولشەرىن 50 پروتسەنتكە دەيىن قىسقارتى ءتيىس. تۇرعىندار دا باقشاسىن بۇرىنعىداي سۋارا المايدى. باسسەينگە سۋ تولتىرۋ جاعىنان دا ۇنەمدەۋ قاجەت. كولىك جۋۋ بويىنشا دا شەكتەۋلەر بار.

ا ق ش- تا ۇلكەن باسسەينگە تىيىم سالىنۋى

مۇمكىن ا ق ش- تىڭ يۋتا شتاتىنداعى ۇلكەن تۇزدى كولدەگى سۋ دەڭگەيى بۇرىن- سوڭدى بولماعان كورسەتكىشكە دەيىن تومەندەدى. وعان قۋاڭشىلىق سەبەپ. سۋقويما جىل سايىن جەرگىلىكتى ەكونوميكاعا 1 ميليلارد دوللاردان اسا پايدا اكەلەدى. كول تۇبىندە كۇشان كوپ. عالىمدار ەگەر سۋدىڭ تارتىلۋى جالعاسا بەرسە، جارتىلاي مەتالدىڭ قوسپالارى اۋاعا تاراپ كەتۋى مۇمكىن ەكەنىن ەسكەرتەدى. بۇل جەرگىلىكتى تۇرعىنداردىڭ دەنساۋلىعىنا قاۋىپ ءتوندىرۋى ىقتيمال. ۇلكەن تۇزدى كول ورنالاسقان يۋتا شتاتىمەن كورشىلەس نيەۆاداداعى لاس- ۆەگاستا سۋدى تۇتىنۋ بويىنشا شەكتەۋلەر ەنگىزىلدى. تۇرعىندار گۇلزاردان باس تارتىپ جاتىر. ەندى بيلىك الداعى ۋاقىتتا ءىرى باسسەيندەر سالۋعا رۇقسات بەرمەۋى مۇمكىن.

وبري گلوۆەر، لاس- ۆەگاس تۇرعىنى:

- ەگەر شىنىمەن باسسەيندەردىڭ ولشەمىن 55 شارشى مەترگە دەيىن قىسقارتسا، وندا بالالارىمىز بۇگىنگىدەي سۋعا ءتۇسىپ، دەمالۋ مۇمكىندىگىنەن ايىرىلاتىن ءتۇرى بار.

جۇلدىز اتاگەلديەۆا

www.24.kz