ءبىلىم گرانتى: ەلىمىزدە قانداي كۆوتالار قاراستىرىلعان

نۇر- سۇلتان. قازاقپارات - حالىقتىڭ الەۋمەتتىك وسال توپتارىنا بولىنەتىن ءبىلىم گرانتتارىنىڭ سانى كوبەيتىلدى.

بۇل تۋرالى عىلىم جانە جوعارى ءبىلىم مينيسترىلىگىنىڭ باسپا ءسوز قىزمەتىنەن ءمالىم بولدى، دەپ حابارلايدى قازاقپارات ءتىلشىسى.

«كامەلەتكە تولماعان ءتورت جانە ودان كوپ بالا تاربيەلەپ وتىرعان وتباسىلارداعى بالالار ءۇشىن گرانتتاردىڭ جالپى سانىنىڭ 5 پايىزى قاراستىرىلعان. كەمىندە ءۇش جىل تولىق ەمەس وتباسى مارتەبەسى بار وتباسىلاردان شىققان بالالارعا - 1 پايىزى، سونداي- اق I ، Ⅱ توپتاعى مۇگەدەك بالالاردى تاربيەلەپ وتىرعان وتباسىلاردان شىققان تۇلەكتەرگە ءبىلىم بەرۋ گرانتتارىنىڭ 1 پايىزى كوزدەلگەن»، - دەلىنگەن مينيسترلىك مالىمەتىندە.

سونىمەن قاتار اۋىل جاستارى اراسىنان شىققان ازاماتتار ءۇشىن اۋىلداردىڭ الەۋمەتتىك- ەكونوميكالىق دامۋىن ايقىندايتىن ماماندىقتارعا جانە قازاقستان ازاماتتارى بولىپ سانالمايتىن ۇلتى قازاق ادامدارعا كۆوتا قاراستىرىلعان.

«جەتىم بالالار جانە اتا- اناسىنىڭ قامقورلىعىنسىز قالعان بالالار مەن I ، II توپتاعى مۇگەدەكتىگى بارلار، بالا كەزىنەن مۇگەدەكتەر، مۇگەدەك بالالار اراسىنان شىققان ازاماتتار ءۇشىن كۆوتا گرانتتار سانىنىڭ 1 پايىزىن قۇرايدى»، - دەپ اتالىپ وتكەن ۆەدومستۆو حابارلاماسىندا.

بۇدان بۇرىن جازعانىمىزداي، بيىل 80 مىڭعا جۋىق تالاپكەر ءبىلىم گرانتتارىن تاعايىنداۋ كونكۋرسىنا قاتىسۋعا ءوتىنىش بەردى.