ەسىك قالاسىنداعى اتىس: كۇدىكتى رەتىندە ەر ادام ۇستالدى

قونايەۆ. قازاقپارات - الماتى وبلىسىنىڭ ەسىك قالاسىندا بولعان اتىسقا قاتىسى بار دەگەن كۇدىكپەن ەر ادام ۇستالدى، دەپ حابارلايدى قازاقپارات ءتىلشىسى.

«پوليتسيا قىلمىسقا قاتىستى بار دەگەن كۇدىكپەن 30 جاستاعى تۇرعىندى ۇستاپ، قاماۋعا الدى. قىلمىستىق ءىس ءۇش باپ بويىنشا (ادام ءولتىرۋ، ادام ولتىرۋگە وقتالۋ جانە قارۋدى قولدانۋ ارقىلى بۇزاقىلىق جاساۋ) تەرگەلۋدە. پوليتسيا وقيعاعا قاتىسقان وزگە دە تۇلعالاردى ىزدەستىرىپ جاتىر»، - دەلىنگەن الماتى وبلىستىق پوليتسيا دەپارتامەنتى باسپا ءسوز قىزمەتىنىڭ حابارلاماسىندا.

ەسكە سالايىق، شىلدەنىڭ 22 نەن 23 نە قاراعان ءتۇنى ەسىك قالاسىندا اتىس بولىپ، ەكى ادام اۋرۋحاناعا ءتۇستى. كەيىن ونىڭ ءبىرى كوز جۇمدى.