18:11, 25 - شىلدە 2022 | GMT +5
الماتى وبلىسىندا كوشەدە كوكپار ۇيىمداستىرعاندار ۇستالدى
قونايەۆ. قازاقپارات – 24- شىلدە كۇنى الماتى وبلىسىنىڭ تالعار قالاسىندا كوشەدە كوكپار تارتقاندار ۇستالدى، دەپ حابارلايدى قازاقپارات ءتىلشىسى.
«50 جاستاعى كەڭدالا اۋىلىنىڭ تۇرعىنى ءوزىنىڭ تۋعان كۇنىنە وراي كوكپار ۇيىمداستىرعان. ءبىراق شارا اكىمدىكپەن كەلىسىلمەگەن. كوكپار ويىنى قىستاقتان باستالىپ، قالانىڭ كوشەسىندە جالعاسىپ كەتكەن. كولىكتەردىڭ قوزعالىسىنا كەدەرگى كەلتىرىپ، قوعامدىق ءتارتىپتى بۇزعانداردىڭ بارلىعى انىقتالدى. 10 ادام ۇستالىپ، ق ر اكىمشىلىك كودەكستىڭ 434، 593 جانە 614-باپتارى بويىنشا جاۋاپكەرشىلىككە تارتىلدى»، - دەلىنگەن الماتى وبلىستىق پوليتسيا دەپارتامەنتى باسپا ءسوز قىزمەتىنىڭ حابارلاماسىندا.
ەسكە سالايىق، كوشەنىڭ قاق ورتاسىندا كوكپار تارتقانداردىڭ ۆيدەوسى جەلىگە تاراعان بولاتىن.
