الماتى وبلىسىندا جول ۇستىندە كوكپار تارتقانداردى پوليتسيا ىزدەپ جاتىر

قونايەۆ. قازاقپارات - الماتى وبلىسىندا جول ۇستىندە كوكپار تارتقانداردى پوليتسيا ىزدەپ جاتىر، دەپ حابارلايدى قازاقپارات ءتىلشىسى.

«24- شىلدە كۇنى كەشكى ساعات 19:00 مەن 20:00 ارالىعىندا كەڭدالا اۋىلىنا جاقىن قىستاقتا كوكپار ويىنى بولعان. قازىر پوليتسيا ويىنعا قاتىسقانداردى ىزدەستىرىپ جاتىر. ايتا كەتۋ كەرەك، كوكپارعا ەڭبەكشىقازاق اۋدانىنىڭ قاينار، راحات، قازاقستان اۋىلدارىنىڭ، ال تالعار اۋدانىنىڭ تۋعانباي اۋىلى تۇرعىندارى قاتىسقان»، - دەلىنگەن الماتى وبلىستىق پوليتسيا دەپارتامەنتى باسپا ءسوز قىزمەتىنىڭ حابارلاماسىندا.

ايتا كەتەيىك، كوكپارعا قاتىسۋشىلار كوشەدەگى كولىكتەردىڭ جول قوزعالىسىنا كەدەرگى كەلتىرىپ، جولدىڭ بويىندا كوكپار تارتقان.

ولار بۇل زاڭسىز ارەكەتتەرى ءۇشىن جاۋاپكەرشىلىككە تارتىلاتىن بولادى.