شىمكەنتتە وزىنە قول سالعان پوليتسيا دەپارتامەنتىنىڭ باسپا ءسوز حاتشىسى قىزمەتىنە قايتا كىرىستى

شىمكەنت. قازاقپارات - شىمكەنتتە قىزمەتىنەن شۋ شىعىپ، وزىنە قول سالعان پوليتسيا دەپارتامەنتىنىڭ قىزمەتكەرى بۇرىڭعى قىزمەتىنە قايتا كىرىستى، دەپ حابارلايدى قازاقپارات ءتىلشىسى.

بۇگىن ءمولدىر بەكەيەۆامەن سويلەسكەنىمىزدە دارىگەرلەر قارسى بولعانىنا قاراماستان قىزمەتىنە كىرىسكەندىگىن جەتكىزدى. وتكەن سارسەنبىدەن باستاپ جۇمىسقا شىققان ول شىمكەنت قالاسى پوليتسيا دەپارتامەنتىنىڭ رەسمي وكىلى - ىشكى جانە سىرتقى كوممۋنيكاتسيالار باسقارماسىنىڭ باسشىسى، باسپا ءسوز حاتشىسى قىزمەتىن اتقارىپ جاتىر.

ايتا كەتەيىك، قىزمەت بابىندا ۇلكەن شۋ شىعىپ، كەيىننەن قوعامدىق رەزونانسقا اينالعان شىمكەنت قالاسى پوليتسيا دەپارتامەنتىنىڭ قىزمەتكەرى ءمولدىر بەكەيەۆا وزىنە قول سالعان بولاتىن.

اۆتور: قايرات زاينيشيەۆ