ءۇندىستاننىڭ ون بەسىنشى پرەزيدەنتى انت قابىلدادى
ءۇندىستان تەلەارنالارى تىكەلەي ەفيردە كورسەتكەن سالتاناتتى شارا نيۋ- دەليدەگى ەل پارلامەنتىنىڭ ورتالىق زالىندا ءوتتى، دەپ حابارلايدى قازاقپارات تاسس اگەنتتىگىنە سىلتەمە جاساپ.
«تاۋەلسىزدىكتىڭ 75 جىلدىعىندا ماعان وسى قىزمەتكە كەلۋ باقىتى بۇيىردى. بىزگە، تاۋەلسىز ءۇندىستان ازاماتتارىنا ازاتتىق جولىنداعى كۇرەسكەرلەرىمىزدىڭ ءۇمىتىن اقتاۋ ءۇشىن كۇش- جىگەردى ارتتىرۋعا تۋرا كەلەدى»، - دەدى مۋرمۋ انت قابىلداعاننان كەيىن پرەزيدەنت رەتىندەگى العاشقى سوزىندە.
پرەزيدەنت سايلاۋى 18- شىلدەدە ءوتتى. وعان ەل پارلامەنتىنىڭ جوعارعى جانە تومەنگى پالاتالارىنىڭ دەپۋتاتتارى، سونداي- اق 28 شتات پەن ەكى وداقتىق اۋماقتىڭ زاڭ شىعارۋشى جينالىستارىنىڭ (ايماقتىق پارلامەنتتەردىڭ) مۇشەلەرى قاتىستى. 21- شىلدەدە داۋىس سانالدى، بيلەۋشى بحاراتيا دجاناتا پارتياسى (ءۇندىستان حالىق پارتياسى) باسقاراتىن ۇلتتىق دەموكراتيالىق اليانس اتىنان شىققان مۋرمۋ 64 پايىزدان استام داۋىس جيناپ، بىرىككەن وپپوزيتسيا وكىلى ياشۆانت سينحادان الدەقايدا وزىپ كەتتى. بۇعان دەيىن ءۇندىستاننىڭ 15- پرەزيدەنتى بولىپ ۇلتتىق- دەموكراتيالىق اليانسىنىڭ كانديداتى 64 جاستاعى دراۋپادي مۋرمۋ سايلانعانىن حابارلاعان بولاتىنبىز.
فوتو: © EPA- EFE/DIVYAKANT SOLANKI
اۆتور: سماعۇلوۆا ەركەجان
