12:03, 25 - شىلدە 2022 | GMT +5
ق. بورانبايەۆتىڭ ىنىسىنە ىزدەۋ جاريالاندى
نۇر-سۇلتان. قازاقپارات - كاسىپكەر قايرات بورانبايەۆتىڭ ءىنىسى مۇرات بورانبايەۆقا ىزدەۋ جاريالاندى، دەپ حابارلايدى «حابار 24».
الماتى قالالىق ەكونوميكالىق تەرگەۋ دەپارتامەنتى دەرەكتەرىنە سۇيەنسەك، مۇرات بورانبايەۆ 2017 -جىلى اقىلى اۆتوتۇراقتار جەلىسىنىڭ ديرەكتورى بولعان. ال وعان دەيىن بۇل كومپانيانى باسقارعان مۇحتار بازاربايەۆ تا قاماۋعا الىنعان ەدى.
قازىرگى تاڭدا الماتى قالالىق قارجى مونيتورينگى اگەنتتىگىنىڭ اۋماقتىق دەپارتامەنتى اۆتوتۇراق جەلىسىنە جاۋاپتى تۇلعالارعا قاتىستى تەرگەۋ جۇمىستارىن جالعاستىرۋدا. ەسكە سالا كەتەيىك، كاسىپكەر قايرات بورانبايەۆتىڭ ءوزى ناۋرىز ايىنىڭ ورتاسىندا تۇتقىندالعان بولاتىن. ول اسا ءىرى كولەمدە قاراجات جىمقىردى دەگەن ايىپپەن قاماۋدا وتىر.
