ۆەنتيان زەرتحانالىق مودۋلى قىتايدىڭ عارىش ستانسياسىمەن ءتۇيىستى

بەيجىڭ. قازاقپارات - جەكسەنبى كۇنى ىسكە قوسىلعان «ۆەنتيان» ءبىرىنشى زەرتحانالىق مودۋلى قىتايدىڭ وربيتالىق ستانسياسىنىڭ تيانحە بازالىق مودۋلىمەن ءساتتى ءتۇيىستى.

بۇل تۋرالى ق ح ر باسقارىلاتىن عارىشتىق ۇشۋلار باعدارلاماسى باسقارماسى حابارلادى، دەپ حابارلايدى قازاقپارات ءتىلشىسى.

بۇكىل پروتسەسس شامامەن 13 ساعاتقا سوزىلدى. قىتايدىڭ باسقارىلاتىن عارىشتىق ۇشۋ باعدارلاماسى باسقارماسىنىڭ مالىمەتىنشە، بۇل - قىتايدىڭ 20 توننالىق ەكى عارىش مودۋلىنىڭ وربيتادا العاش رەت ءتۇيىسۋى. 2022 -جىلدىڭ قازان ايىندا عارىشقا تاعى ءبىر زەرتحانالىق «مەنتيان» ءمودۋلى ۇشىرىلادى. قىتايدىڭ تيانگۋن عارىش ستانسياسىنىڭ قۇرىلىسىن اياقتاپ، ونى پايدالانۋعا بەرۋ وسى جىلدىڭ سوڭىنا دەيىن جوسپارلانىپ وتىر.

فوتو: ۆكونتاكتە (vk.com/chinaspaceflight) جەلىسىنەن