قىتايدىڭ سولتۇستىك- باتىسىندا تاۋ جىنىسى وپىرىلىپ، توعىز ادام قايتىس بولدى

لانجوۋ. شينحۋا - قازاقپارات - قىتايدىڭ سولتۇستىك- باتىسىنداعى گانسۋ پروۆينتسياسىندا تاۋ جىنىسىنىڭ وپىرىلۋى سالدارىنان توعىز ادام قازا تاپتى، دەپ حابارلايدى قازاقپارات شينحۋا اگەنتتىگىنە سىلتەمە جاساپ.

جەرگىلىكتى بيلىكتىڭ حابارلاۋىنشا، وقيعا جەرگىلىكتى ۋاقىت بويىنشا ساعات 11:15 شاماسىندا بايين قالاسىنداعى جينتاي ۋەزىندە بولعان. اپات سالدارىنان 17 ادام ءۇيىندى استىندا قالدى، ونىڭ 9-ى قازا تاپتى، 7 جاراقات الدى، 1 ادام ءىز- ءتۇزسىز جوعالىپ كەتكەن. ىزدەستىرۋ- قۇتقارۋ جۇمىستارى جالعاسۋدا. گانسۋ پروۆينتسياسى تيبەت ءۇستىرتى، موڭعوليا جانە سىچۋان پروۆينتسياسى اراسىندا ورنالاسقان. پروۆينتسيا ارقىلى حۋانحە وزەنى اعىپ وتەدى.

گانسۋ - قىتايداعى جەر سىلكىنىسى ەڭ قاۋىپتى ايماقتاردىڭ ءبىرى. 1920 -جىلى 16 -جەلتوقساندا مۇندا جەر سىلكىنىسى بولىپ، سالدارىنان 200 مىڭعا جۋىق ادام قازا تاپتى. 2010 -جىلى گانسۋدا كوشكىن بولىپ، ادام شىعىنى بولعان.

بۇعان دەيىن قىرعىزستاندا مۇزدىقتىڭ وپىرىلعانى حابارلانعان بولاتىن. وقيعا سالدارىنان ەكى ادام جەڭىل جاراقات الدى، قازا تاپقاندار جوق.

فوتو: russia24.pro

اۆتور: سماعۇلوۆا ەركەجان