مەملەكەت باسشىسى ي ى ۇ باس حاتشىسىمەن كەزدەستى
كەزدەسۋ بارىسىندا قازاقستان پرەزيدەنتى مەن ي ى ۇ- نىڭ باس حاتشىسى ايماقتىق جانە حالىقارالىق كۇن تارتىبىندەگى وزەكتى ماسەلەلەر تۋرالى، سونداي-اق قازاقستان مەن يسلام ىنتىماقتاستىعى ۇيىمى اراسىنداعى ىقپالداستىقتى ودان ءارى تەرەڭدەتۋدىڭ پەرسپەكتيۆالارى جونىندە پىكىر الماستى.
قاسىم-جومارت توقايەۆ ي ى ۇ- نىڭ ساياسي، الەۋمەتتىك-ەكونوميكالىق، ەكولوگيالىق جانە گۋمانيتارلىق سالالاردا بايلانىستار ورناتۋعا ىقپال ەتەتىن ينكليۋزيۆتى پلاتفورما رەتىندەگى جۇمىسىن جوعارى باعالادى.
مەملەكەت باسشىسى يسلام ىنتىماقتاستىعى ۇيىمىمەن اراداعى ءىس-قيمىلدار تۋرالى ايتا كەلە، قازاقستاننىڭ ۇيىم اياسىندا مۇسىلمان ەلدەرىمەن ىنتىماقتاستىقتى ودان ءارى كەڭەيتۋگە بەيىلدى ەكەنىن ناقتىلادى.
پرەزيدەنت قاسىم-جومارت توقايەۆ حيسسەين براحيم تاحانى الەمدىك جانە ءداستۇرلى دىندەر كوشباسشىلارىنىڭ VII سەزىنە قاتىسۋعا شاقىردى.
بۇل فورۋم بيىل كۇزدە قازاقستان استاناسىندا وتەدى.
