قاسىم-جومارت توقايەۆ ساۋد ارابياسىنداعى ءىرى كومپانيالاردىڭ باسشىلارىمەن كەزدەستى

نۇر-سۇلتان. قازاقپارات - مەملەكەت باسشىسى ساۋد ارابياسىنىڭ ءبىرقاتار كاسىپكەرلەرىمەن جەكە كەزدەسۋ وتكىزدى، دەپ حابارلايدى اقوردانىڭ باسپا ءسوز قىزمەتى.

اتاپ ايتقاندا، پرەزيدەنت Ajlan Bros Holding Group حولدينگتىك توپ باسقارماسىنىڭ باسشىسى ادجلان بەن ابدەلازيز ءال-ادجلانمەن جانە Acwa Power كومپانياسى ديرەكتورلار كەڭەسىنىڭ ءتوراعاسى مۇحاممەد ابۋنايانمەن اڭگىمەلەستى ساۋد ارابياسى كورولدىگىنىڭ جانە تاياۋ شىعىستاعى ءىرى كونگلومەراتتىڭ ءبىرى - Ajlan Bros Holding Group قازاقستانعا ينۆەستيتسيا قۇيۋعا مۇددەلى ەكەنىن ايتتى.

قازىرگى ۋاقىتتا حولدينگ الماتى وبلىسىنىڭ اۋىل شارۋاشىلىعى سالاسىنداعى ءوندىرىس جوباسىن پىسىقتاۋدا.

مۇحاممەد ابۋنايانمەن كەزدەسۋدە بالامالى ەنەرگيا كوزدەرىن دامىتۋ ماسەلەلەرى تالقىلاندى.

پرەزيدەنتتىڭ ايتۋىنشا، ەلىمىز 2030-جىلعا قاراي جاڭعىرتىلاتىن ەنەرگيا كوزدەرىنىڭ 30 پايىزىن ءوندىرۋدى جوسپارلاپ وتىر.

سونىمەن قاتار قاسىم-جومارت توقايەۆ Acwa Power كومپانياسىن قازاقستاندا جاسىل سۋتەگى ءوندىرىسى سالاسىنداعى بىرلەسكەن جوبالاردى جۇزەگە اسىرۋعا شاقىردى.