ق ر پرەزيدەنتى ساۋد ارابياسى مەملەكەتتىك ينۆەستيتسيالىق قورىنىڭ باسقارۋشىسىمەن كەزدەستى
مەملەكەت باسشىسىنا الەمدەگى ەڭ ءىرى دەربەس ءال-اۋقات قورىنىڭ ءبىرى - ساۋد ارابياسىنىڭ مەملەكەتتىك ينۆەستيتسيالىق قورىنىڭ قىزمەتى جونىندە اقپارات بەرىلدى.
قور باسشىسى ياسير ءال-رۋمايان ەكونوميكانىڭ ءارتۇرلى سالالارىندا جۇزەگە اسىرىلىپ جاتقان جوبالار تۋرالى ايتتى.
قاسىم-جومارت توقايەۆ قازاقستاننىڭ ءارتۇرلى سالالار بويىنشا ءوزارا ءتيىمدى ىنتىماقتاستىقتى جۇزەگە اسىرۋعا نيەتتى ەكەنىن اتاپ ءوتىپ، ءوزارا ورتاق مۇددەنى كوزدەيتىن جوبالاردى جۇزەگە اسىرۋ ءۇشىن ساۋديا ارابياسى ينۆەستيتسيالىق قورى مەن «سامۇرىق-قازىنا» ا ق جانە «ۇ ب ح «بايتەرەك» كومپانيالارى اراسىنداعى تىعىز ىقپالداستىقتى جولعا قويۋدى ۇسىندى.
قور ساۋديانىڭ باسقا دا كومپانيالارى سياقتى مۇناي-حيميا ونەركاسىبىندەگى، جاسىل ەنەرگەتيكانى دامىتۋ سالاسىنداعى، مەتاللۋرگيا جانە تاۋ-كەن سەكتورلارىنداعى، سونداي-اق اۋىل شارۋاشىلىعىن تەرەڭ وڭدەۋ جونىندەگى ءىرى ينۆەستيتسيالىق جوبالارعا قاتىسۋعا شاقىرىلدى.
ساۋد ارابياسى كورولدىگىنىڭ مەملەكەتتىك ينۆەستيتسيالىق قورى - «Public Investment Fund» 1971-جىلى قۇرىلعان.
قور كورولدىكتىڭ جانە ايماقتىڭ ونەركاسىپ پەن ينفراقۇرىلىم سالالارىنداعى مەملەكەتتىك جانە كۆازيمەملەكەتتىك ۇزاق مەرزىمدى جوبالارىن باستى قارجىلاندىرۋ كوزى. بۇل - جيىنتىق اكتيۆتەرى 620 ميلليارد دوللار بولاتىن الەمدەگى ءىرى دەربەس قورلاردىڭ ءبىرى.
PIF قورىندا ەلدىڭ قۇندى اكتيۆتەرى، ونىڭ ىشىندە «Saudi Aramco» ءىرى مۇناي كومپانياسىنىڭ اكتيۆتەرى دە ورنالاسقان. ديرەكتورلار كەڭەسىنىڭ ءتوراعاسى - ساۋد ارابياسى كورولدىگىنىڭ تاق مۇراگەرى - مۇحاممەد بەن سالمان. باسقارۋشى - ياسير وسمان ءال- رۋمايان.
قور ۇلتتىق جانە حالىقارالىق دارەجەدەگى ۇزاق مەرزىمدى جوبالارعا ينۆەستيتسيا قۇيۋ ەسەبىنەن الەمدىك دەڭگەيدەگى ءارتاراپتاندىرىلعان پورتفەل قالىپتاستىرادى. قىزمەتتىڭ نەگىزگى باعىتتارى:
ونەركاسىپ، ينفراقۇرىلىم، حالىقارالىق بيزنەس، ەكسپورتى قولداۋ، قورشاعان ورتاعا الەۋمەتتىك قولداۋ كورسەتۋ جانە ونى قورعاۋ، تەلەكوممۋنيكاتسيالار، اەروعارىش ونەركاسىبى، ەنەرگەتيكا، جاسىل تەحنولوگيالار.
پاندەميا كەزىندە قور 8,7 ميلليارد دوللارعا جۋىق الەمدىك ءىرى كومپانيالاردىڭ اكتسيالارىن ساتىپ الدى (Boeing، Facebook، Disney، Marriott، Starbucks).
سونداي-اق قور ا ق ش- تىڭ ءىرى Citigroup جانە Bank of America بانكتەرىنە ينۆەستيتسيا قۇيدى.
سونىمەن قاتار BP، Total، Royal Dutch Shell، Eni، Equinor ASA سياقتى مۇناي الپاۋىتتارىنىڭ اكتسيالارىن ساتىپ الدى.
2021-جىلى PIF قورى ەلەكتروندىق كوممەرتسيادان جانە قارجى تەحنولوگيالارىنان باستاپ، بيوتەحنولوگيالار جانە وتىن ەلەمەنتتەرىندەگى كوممەرتسيالىق اۆتوكولىكتەرگە دەيىنگى ءارتۇرلى كومپانيالارعا ينۆەستيتسيا قۇيۋ ارقىلى ا ق ش- تىڭ اكتسيالارىنا سالىمدى ءۇش ەسە ارتتىرىپ، 43 ميلليارد دوللارعا دەيىن جەتكىزدى.
جاڭادان PayPal، Alibaba، Walmart، Pinterest جانە باسقا دا كومپانيالارعا ينۆەستيتسيا سالعان.
