دجو بايدەننىڭ جەكە دارىگەرى ونىڭ حال-جاعدايى تۋرالى مالىمەت تاراتتى

بريۋسسەل. قازاقپارات – ا ق ش پرەزيدەنتىنىڭ دارىگەرى كيەۆين و'كوننور اق ءۇي باسشىسىندا COVID-19 بەلگىلەرى ازايىپ بارا جاتقانىن ايتتى.

جانە دە ول دجو بايدەن كوروناۆيرۋستىڭ BA.5 نۇسقاسىمەن اۋىرعان بولۋى مۇمكىن دەپ سانايدى، دەپ حابارلايدى قازاقپارات ءتىلشىسى.

ا ق ش پرەزيدەنتىنىڭ دارىگەرى مەن ونىڭ كومانداسى دجو بايدەننىڭ اۋرۋ بەلگىلەرى ازايعانىن انىقتادى.

جەكە دارىگەر، دوكتور كيەۆين و'كوننوردىڭ سوڭعى مالىمدەمەسىنە سايكەس، پرەزيدەنت دجو بايدەننىڭ COVID-19 بەلگىلەرى «پاكسلوۆيد» پرەپاراتىن قابىلداعاننان كەيىن جاقسارا باستاعان.

«قازىر دجو بايدەندە تاماق اۋرۋى، تۇماۋ، جوتەل مەن دەنەنىڭ السىزدىگى بار»، - دەدى دارىگەر و ' كوننور سەنبىدەگى مالىمدەمەسىندە.

الدىن الا ناتيجەلەر دجو بايدەندە ۆيرۋستىڭ BA.5 جاڭا نۇسقاسى بولۋى مۇمكىن ەكەنىن كورسەتەدى.

BA.5 ۆيرۋسى قازىرگى ۋاقىتتا ا ق ش- تاعى جاڭا ينفەكتسيالاردىڭ %80 قۇرايدى. دارىگەردىڭ ايتۋىنشا، پرەزيدەنتتىڭ تامىر سوعىسى، قان قىسىمى، تىنىس الۋ جيىلىگى، وتتەگى دەڭگەيى قالىپتى كۇيدە.

اق ءۇيدىڭ حابارلاۋىنشا، ا ق ش پرەزيدەنتى سىناقتارى تەرىس ناتيجە بەرمەيىنشە وقشاۋلانىپ جۇمىس ىستەيتىن بولادى.