13:55, 24 - شىلدە 2022 | GMT +5
ەسىكتەگى اتىس: وق تيگەن ەكى ادامنىڭ ءبىرى اۋرۋحانادا جان تاپسىردى
قونايەۆ. قازاقپارات - الماتى وبلىسىنىڭ ەسىك قالاسىندا اتىستان زارداپ شەككەن ءبىر ادام اۋرۋحانادا كوز جۇمدى، دەپ حابارلايدى قازاقپارات ءتىلشىسى.
«ەڭبەكشىقازاق اۋداندىق اۋرۋحاناسىنا 1992- جانە 2004-جىلعى ەكى ەر ادام ءتۇستى. ەكەۋى دە اۋىر حالدە جەتكىزىلدى. ولارعا شۇعىل تۇردە وتا جاسالدى. 2004-جىلعى ادام قايتىس بولدى. ال ەكىنشىسى جانساقتاۋ بولىمىندە جاتىر. جاعدايى اۋىر»، - دەلىنگەن الماتى وبلىستىق دەنساۋلىق ساقتاۋ دەپارتامەنتىنىڭ باسپا ءسوز قىزمەتى تاراتقان حابارلامادا.
ەستەرىڭىزگە سالا كەتەيىك، الماتى وبلىسىنىڭ ەڭبەكشىقازاق اۋدانىندا اتىستان ەكى ادام زارداپ شەككەنىن حابارلاعان بولاتىنبىز.
