قازاقستاندا جاس گەولوگتەردىڭ اشىق دالالىق وليمپياداسى قايتا اشىلدى
اشىلۋ سالتاناتىنا ەكولوگيا، گەولوگيا جانە تابيعي رەسۋرستار مينيسترلىگىنىڭ ۆيتسە-ءمينيسترى ت. مومىشيەۆ، گەولوگيا كوميتەتى ءتوراعاسىنىڭ ورىنباسارلارى، «ۇلتتىق گەولوگيالىق قىزمەت» ا ق ۋاكىلەتتى تۇلعاسى ج. كاريبايەۆ، اقمولا وبلىسى اكىمدىگىنىڭ وكىلدەرى، وليمپيادا دەمەۋشىلەرى - ۇلتتىق كومپانيالاردىڭ باسشىلارى قاتىستى.
ءىس-شارانى ۆيتسە-مينيستر ت. مومىشيەۆ قۇتتىقتاۋ سوزىمەن اشتى.
ول ءوز سوزىندە وسىنداي ءىس-شارالارعا قاتىسۋدىڭ گەولوگتاردىڭ جاڭا ۇرپاعىن دايىنداۋ مەن قالىپتاستىرۋعا وراسان زور ىقپال ەتەتىنىن، وقۋشىلاردىڭ وي-ءورىسىن كەڭەيتىپ، ەلدەر اراسىنداعى دوستىق قارىم-قاتىناستى نىعايتا تۇسەتىنىن اتاپ ءوتتى.
وليمپياداعا قازاقستان رەسپۋبليكاسىنىڭ استاناسى مەن ايماقتارىنان كەلگەن 7-11- سىنىپ وقۋشىلارى قاتىسۋدا.
2010-جىلى وتكەن 1-قازاقستاندىق وليمپياداعا نەبارى 8 كوماندا قاتىسقان بولاتىن. ال، بيىلعى VI وليمپياداعا قازىردىڭ وزىندە 15 تەن استام كوماندالار قاتىسۋدا، ولاردىڭ ىشىندە تاتارستان رەسپۋبليكاسى (رەسەي فەدەراتسياسى)، بەلارۋس جانە وزبەكستان سياقتى ەلدەردىڭ كوماندالارى بار ەكەنىن ايتا كەتۋ كەرەك.
جاس گەولوگتار كوماندالارىنىڭ سانى عانا كوبەيىپ قويماي، سونىمەن قاتار ولاردىڭ دايىندىق دەڭگەيىنىڭ جوعارىلاعانى بايقالدى.
مينيسترلىك مەملەكەت باسشىسى جاريالاعان «بالالار جىلى» قارساڭىندا، جارىسقا قاتىسۋشىلاردىڭ الدىڭعى ورىندارعا يە بولعاندارىنا ق. ي. ساتبايەۆ اتىنداعى قازاق ۇلتتىق تەحنيكالىق ۋنيۆەرسيتەتىنە وقۋعا ءۇش گرانت بەرۋدى جوسپارلاپ وتىر.
«جاس گەولوگ» ق ك گەولوگيا كوميتەتىنىڭ قولداۋىمەن 2012-جىلدىڭ قاڭتارىندا قۇرىلدى. قوردىڭ نەگىزگى مىندەتى ەرتە كاسىبي باعدار بەرۋ جۇمىسىن جۇرگىزۋ، جاس گەولوگتاردىڭ قازاقستاندىق دالالىق وليمپيادالارىن ۇيىمداستىرۋ جانە وتكىزۋ، جاس گەولوگتار ۇيىرمەلەرىنىڭ جەلىسىن كەڭەيتۋ، دارىندى جاستاردى قولداۋ بولىپ تابىلادى. قازاقستاننىڭ جاس گەولوگتارى رەسپۋبليكالىق وليمپيادالارعا قاتىسۋمەن قاتار، حالىقارالىق وليمپيادالاردا دا ەل نامىسىن تابىستى قورعاپ ءجۇر.
قازاقستاندىق جاس گەولوگتار كوماندالارى برازيليادا (2015)، جاپونيادا (2016)، فرانسيادا (2017)، تايلاندتا (2018) وتكەن IESO- نىڭ جەكە جانە كوماندالىق جارىستارىندا التىن، كۇمىس جانە قولا جۇلدەنى جەڭىپ الدى.
