10:31, 24 - شىلدە 2022 | GMT +5
ىستىقكولدە تۋريستەر مىنگەن تەپلوحودتان ءورت شىقتى
بىشكەك. قازاقپارات - ءورت ىستىقكول وبلىسى كومسومول اۋدانىندا جاعالاۋدان 1 كيلومەتر قاشىقتىقتا جۇرگەن «الباتروس» اتتى تۋريستەرگە ارنالعان تەپلوحودتان شىققان، دەپ حابارلايدى قازاقپارات قىرعىزستاننىڭ توتەنشە جاعدايلار مينيسترلىگىنە سىلتەمە جاساپ.
ۆەدومستۆونىڭ حابارلاۋىنشا، تەپلوحود ەكيپاجى ءورت سوندىرۋشىلەر كەلگەنشە ءورتتى وزدەرى ءسوندىرىپ ۇلگەرگەن.
بالالاردى قوسا العاندا 20 جولاۋشىنى ەۆاكۋاتسيالاۋ ءۇشىن جاقىن ماڭداعى پانسيوناتتاردىڭ سكۋتەرلەرى پايدالانىلدى.
الدىن الا مالىمەتتەر بويىنشا زارداپ شەككەندەر جوق. قازىرگى تاڭدا وقيعا ورنىندا جەدەل-تەرگەۋ توبى جۇمىس ىستەپ جاتىر، ءورتتىڭ شىعۋ سەبەبى انىقتالۋ ۇستىندە.
