ەر ادام نەمەرەسىمەن بىرگە تالاس وزەنىنە باتىپ كەتتى

تاراز. قازاقپارات - جامبىل وبلىسىندا سۋعا باتىپ كەتكەن قىزدى توتەنشە جاعدايلار دەپارتامەنتىنىڭ وكىلدەرى ىزدەستىرىپ جاتىر، دەپ حابارلايدى قازاقپارات.

جامبىل وبلىستىق توتەنشە جاعدايلار دەپارتامەنتى قىزمەتكەرلەرىنىڭ ايتۋىنشا، قايعىلى جاعداي جامبىل اۋدانىنداعى جاسوركەن اۋىلى ماڭىندا اعىسى كۇشتى تالاس وزەنىندە بولعان. «23- شىلدە كۇنى ساعات 17:30 دا كۋاگەرلەر جاسوركەن اۋىلى ماڭىنان وتەتىن تالاس وزەنىنەن ەر ادامنىڭ دەنەسىن سۋدان شىعارىپ العان. كەيىن ءمالىم بولعانىنداي، قارت ادام نەمەرەسىمەن بىرگە رۇقسات ەتىلمەگەن جەردە سۋعا تۇسكەن. ساعات 17:50 دە قىزدى ىزدەۋ جۇمىستارى باستالدى. ول شامامەن ساعات 17:10 دار شاماسىندا سۋعا باتىپ كەتكەن»، - دەپ حابارلادى جامبىل وبلىستىق توتەنشە جاعدايلار دەپارتامەنتى باسپا ءسوز قىزمەتىنىڭ جەتەكشىسى ساۋلە مۇڭاتايەۆا.

ىزدەۋ جۇمىستارى 23- شىلدە كۇنى تۇنگە دەيىن العاسىپ، ىزدەۋ جۇمىستارىنا 5 قۇتقارۋشى مەن 1 تەحنيكا جۇمىلدىرىلدى.

«24- شىلدە كۇنى تاڭ اتا ىزدەۋ جۇمىستارى قايتا جاندانادى»، - دەپ ناقتىلادى باسپا ءسوز قىزمەتىندەگىلەر.

اۋىل ادامدارىنىڭ ايتۋىنشا، سۋعا باتىپ مەرت بولعان ازامات 61 جاستا، ال نەمەرەسى 7 جاستا. قىزدىڭ اتا-اناسى وزگە ەلدە جۇمىس ىزدەپ كەتكەن.