مۇحتار نيازوۆ قىرعىزستاندا وتكەن ايتىستا باس جۇلدە الدى
بۇل جونىندە وبلىستىق مادەنيەت جانە سپورت باسقارماسىنىڭ باسشىسى رۋسلان رۇستەموۆ Facebook الەۋمەتتىك جەلىسىندەگى پاراقشاسىندا جازدى.
«قازاق پەن قىرعىزعا ورتاق اقىن بولدى دەگەن وسى. قۋان، قازاق! قىرعىزدىڭ قارقارا جايلاۋىندا وتكەن حالىقارالىق ايتىستاعى مۇحتاردىڭ باس جۇلدەسى قۇتتى بولسىن»، - دەگەن قۋانىشتى حابارىن جەتكىزدى باسقارما باسشىسى.
مۇحتار نيازوۆ قىزىلوردا وبلىسى جالاعاش اۋدانىندا 1985-جىلدىڭ 4- قاراشاسىندا دۇنيەگە كەلگەن. العاشقىدا جازبا اقىن رەتىندە قالام تارتقان ول ايتىس ونەرىن اۋداندىق وقۋشىلار ايتىسىنا قاتىسۋدان باستادى.
مۇحتار وبلىستىق اقىندار ايتىسى مەن جازبا اقىندار ءمۇشايراسىنىڭ جۇلدەگەرى.
ول ەلىمىزدە «التىن دومبىرا» بايقاۋىنىڭ ءۇش دۇركىن يەگەرى. سونداي-اق، كوپتەگەن ايتىستا جەڭىمپاز بولسا، ءبىرقاتارىندا جۇلدەگەرلەر قاتارىنان كورىندى.
