كوروناۆيرۋس بالالاردىڭ جۇيكە جۇيەسىن زاقىمداۋى مۇمكىن

نۇر-سۇلتان. قازاقپارات - ەلوردالىق قوعامدىق دەنساۋلىق ساقتاۋ باسقارماسىنىڭ شتاتتان تىس باس ينفەكتسيونيسى ساۋلە اتىعايەۆا ك ۆ ي- دەن قانشا بالا ەمدەلىپ جاتقانىن ايتتى، دەپ حابارلادى، قازاقپارات ءتىلشىسى.

«نۇر-سۇلتان قالاسى بويىنشا قازىر ءۇشىنشى اۋرۋحانادا 52 بالا جانە مودۋلدىك ورتالىقتا 14 بالا ستاتسيونارلىق ەم الىپ جاتىر. بۇل - نەگىزىنەن بەس جاسقا دەيىنگى بالالار، ودان بولەك، 12-16 جاستاعىلار دا بار. ياعني، بۇل ۆاكسينالاۋعا جاتپايتىن ساناتتاعى بالالار»، - دەدى ساۋلە اتىعايەۆا ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.

سونىمەن بىرگە، سپيكەر كوروناۆيرۋستىڭ بالالاردا قالاي وتەتىنىن سيپاتتاپ بەردى.

«بالالاردا ءىش ءوتۋ، قۇسۋ، جۇيكە جۇيەسىنىڭ زاقىمدانۋى سياقتى بەلگىلەر بولۋى مۇمكىن. ارينە، جۇيكە جۇيەسىنە زاقىم كەلسە اۋرۋ قيىن وتەدى. بۇگىندە نۇر-سۇلتان قالاسى بويىنشا 68 بالا ك ۆ ي- مەن اۋىرىپ جاتىر»، - دەپ اتاپ ءوتتى ساۋلە اتىعايەۆا.

بۇعان دەيىن قازاقستاندا كوروناۆيرۋس اۋرۋى 3,2 ەسە وسكەنى حابارلانعان بولاتىن.

سوڭعى اپتادا، الدىڭعى اپتامەن سالىستىرعاندا، اۋرۋ 2558 دەن 8156 جاعدايعا دەيىن وسكەن.

نۇر-سۇلتان قالاسى 21- شىلدەدەن باستاپ «سارى» ايماقتا، قالعان وڭىرلەر «جاسىل» ايماقتا.