مايمىل شەشەگىنە قارسى ۆاكسيناتسيا باستالدى
وسال توپتاعى ادامدارعا ەرەكشە كوڭىل ءبولىنىپ جاتىر، دەپ حابارلايدى قازاقپاراتتىڭ مەنشىكتى ءتىلشىسى.
نيدەرلاند باسپا ءسوزىنىڭ مالىمەتىنشە، 21- شىلدەدە نيدەرلاندتا مايمىل شەشەگىنىڭ 712 جاعدايى تىركەلدى، ونىڭ باسىم بولىگى – 429 ى نورد-حوللاند جانە فليەۆولاند قالالارىندا.
سوعان قاراماستان، ەلدىڭ ەڭ ءىرى امستەردام قالاسىندا مايمىل شەشەگىنە قارسى ۆاكسينانىڭ جەتكىلىكتى مولشەرى ءبولىندى.
ۆاكسينانىڭ ەكى دوزاسىن 10 مىڭ 500 ادام سالدىرادى دەپ جوسپارلانعان.
نيدەرلاندىنىڭ دەنساۋلىق ساقتاۋ مينيسترلىگى يەن قوعامدىق دەنساۋلىق ساقتاۋ ينستيتۋتى RIVM ەڭ الدىمەن ۆاكسينانى ا ي ت ۆ- نىڭ «PrEP» ءدارىسىن قابىلدايتىندار سالدىرادى دەپ بەكىتتى.
ەكىنشى كەزەكتە ا ي ت ۆ- عا شالدىققاندار ەگىلەدى. «مايمىل شەشەگى وتە قاۋىپتى بولۋى مۇمكىن، سوندىقتان ەڭ قاۋىپتى توپتاعىلاردى قورعاۋىمىز كەرەك»، - دەدى جەرگىلىكتى دەنساۋلىق ساقتاۋ ورگانىنىڭ باسشىسى شۋلا رايكسمان.
2022-جىلى دۇنيەجۇزىلىك دەنساۋلىق ساقتاۋ ۇيىمى الەمنىڭ 71 ەلىندە مايمىل شەشەگىنىڭ 14 مىڭ جاعدايى انىقتالعانىن حابارلادى.
