العاش رەت ءۇش قازاقستاندىق تەننيسشى پرەزيدەنت كۋبوگىنىڭ جارتىلاي فينالىنا شىقتى

نۇر-سۇلتان. قازاقپارات - العاش رەت ءۇش قازاقستاندىق تەننيسشى پرەزيدەنت كۋبوگىنىڭ جارتىلاي فينالىنا شىقتى، دەپ حابارلايدى قازاقپارات ءتىلشىسى.

قازاقستان تەننيس فەدەراتسياسىنان ءمالىم ەتكەنىندەي، ەلىمىزدىڭ ەكىنشى راكەتكاسى دميتري پوپكو شيرەك فينالدا پرەزيدەنت كۋبوگىنىڭ ءۇش دۇركىن چەمپيونى، رەسەيلىك ەۆگەني دونسكويدى ۇتتى - 7:5، 6:4.

د. پوپكو فينالعا شىعۋ ءۇشىن جارىستىڭ ءبىرىنشى راكەتكاسى، رەسەيلىك رومان سافيۋللينمەن تالاسادى.

دەنيس ەۆسەيەۆ شيرەك فينالدا تارتىستى ماتچتا برازيليالىق گابريەل دەكامپستان باسىم ءتۇستى - 6:4، 2:6, 6:4.

تاعى ءبىر قازاقستاندىق بەيبىت جۋكايەۆ ءوز سپورتتىق جولىندا تۇڭعىش رەت چەللەندجەر دوداسىنىڭ جارتىلاي فينالىنا ءوتتى.

اقتاۋ تەننيس مەكتەبىنىڭ تۇلەگى اسا تارتىستى باسەكەدە الەمنىڭ بۇرىنعى 33-راكەتكاسى، وزبەكستاندىق دەنيس يستوميننەن ايلاسىن اسىردى - 6:7 (5:7)، 7:6 (12:10)، 7:6 (7:5).

ءۇش ساعاتقا سوزىلعان ماتچتا بەيبىت 20 ەيس جاسادى.

ەرتەڭ ب. جۋكايەۆ پەن د. ەۆسەيەۆ ءوزارا كەزدەسىپ، فينالدىق جولدامانى ساراپقا سالادى.

وسىلايشا، كەمىندە ءبىر قازاقستاندىق سپورتشى فينالدا وينايدى.

ەسكە سالا كەتەيىك، بۇدان بۇرىن قازاقستاندىق تەننيسشىنىڭ پرەزيدەنت كۋبوگىنىڭ جارتىلاي فينالىنا شىققانىن جازعان بولاتىنبىز. سونداي-اق استانادا العاش رەت ATP 500 تۋرنيرى وتەدى.