وقۋشىلار جاڭا وقۋ جىلىنان باستاپ ونلاين ءبىلىم الۋى مۇمكىن بە
«مەكتەپتەردى نەمەسە قانداي دا ءبىر ءبىلىم مەكەمەسىن قاشىقتان نەمەسە جارتىلاي قاشىقتان وقىتۋ فورماتىنا كوشىرۋ وقۋ جىلى باستالۋعا جاقىن قالعان كەزدەگى جاعدايعا بايلانىستى قارالادى. بۇعان دەيىنگى ۋاقىتتا ناۋقاستانۋدىڭ ارتۋى ءارتۇرلى ۇزاقتىقتا بولدى. بىزدە ۆيرۋستىڭ سوڭعى ورشىگەن كەزى – 20- ماۋسىم. قازىرگى ۋاقىتتا ءدال قىركۇيەك ايىندا جاعدايدىڭ قالاي ءوربيتىنىن ايتا المايمىز»، - دەدى ول ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا ب ا ق وكىلدەرىنىڭ ساۋالىنا وراي.
ونىڭ اتاپ وتۋىنشە، كوروناۆيرۋستىڭ ورشىگەن كەزى 2 اپتادان 2 ايعا دەيىنگى مەرزىمدى قامتىعان كەزەڭ بولدى.
«ال وقىتۋ قانداي فورماتتا وتەتىنىن شامامەن تامىز ايىنىڭ ەكىنشى جارتىسىنا قاراي عانا ايتا الامىز. ءبىراق، جاعداي سول ۋاقىتتا بالالاردىڭ اراسىندا اۋرۋدىڭ قانشالىقتى تارالۋىنا بايلانىستى بولادى»، - دەدى روزا قوجاپوۆا.
