ماسكا تاعۋ «سارى» ايماقتاعى تۇرعىندارعا مىندەتتەلمەيدى

نۇر-سۇلتان. قازاقپارات - «سارى» ايماققا ەنگەن وڭىرلەردە ماسكا تاعۋ ۇسىنىلادى، ءبىراق مىندەتتەلمەيدى.

بۇل تۋرالى ق ر دەنساۋلىق ساقتاۋ مينيسترلىگى ينفەكتسيالىق اۋرۋلاردى ەپيدەمولوگيالىق باقىلاۋ باسقارماسىنىڭ باسشىسى روزا قوجاپوۆا ايتتى، دەپ حابارلايدى قازاقپارات ءتىلشىسى.

«21- شىلدەدەن باستاپ نۇر-سۇلتان «سارى» ايماققا ەندى. ماسكا تاعۋ ۇسىنىلىپ وتىر. ناۋقاسپەن بايلانىستا بولعان ابسوليۋتتى قارسى كورسەتىلىمى بار ادامداردى، جۇكتى ايەلدەردى قاشىقتان جۇمىس فورماسىنا اۋىستىرۋ مىندەتتى تۇردە ۇسىنىلادى جانە مەكتەپكە دەيىنگى ۇيىمداردا توپتاردى بىرىكتىرىپ، ءتۇرلى شارالار وتكىزۋگە تىيىم سالىنادى. ءبىراق بۇل شارالاردى توپ ىشىندە وتكىزۋگە رۇقسات ەتىلەدى. قازىرگى ۋاقىتتا «سارى» ايماقتا ماسكا تاعۋ - ۇسىنىس سيپاتىندا»، - دەدى ر. قوجاپوۆا ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

سپيكەر ءوز سوزىندە دارىگەرلەر مەن مينيسترلىك قىزمەتكەرلەرىنىڭ ماسكا تاعۋعا قاتاڭ كەڭەس بەرەتىنىن اتاپ ءوتتى.

«ارينە، ەرەجە بويىنشا بۇل مىندەتتى ەمەس. نەگىزىندە، مينيسترلىك سەكىلدى كەيبىر ۇيىمداردا ماسكانى مىندەتتى تۇردە تاعامىز»، - دەدى ر. قوجاپوۆا.