كوروناۆيرۋس ءورشىدى، تويعا تىيىم سالىنا ما
بۇل تۋرالى د س م ينفەكتسيالىق اۋرۋلاردى ەپيدەمولوگيالىق باقىلاۋ باسقارماسىنىڭ باسشىسى روزا قوجاپوۆا ايتتى، دەپ حابارلايدى قازاقپارات ءتىلشىسى.
ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا ول توي جانە باسقا دا بۇقارالىق ءىس-شارالاردى وتكىزۋگە تىيىم سالۋ مۇمكىندىگىنە قاتىستى ساۋالعا جاۋاپ بەردى.
«بۇگىندە «سارى» ايماققا مۇنداي شەكتەۋلەر ەنگىزۋ قاراستىرىلماعان. دەگەنمەن، «قىزىل» ايماققا وتكەن جاعدايدا شەكتەۋدى ەكى كەزەڭمەن ەنگىزۋ كوزدەلەدى. ءبىراق، بۇل ءىس-شارانى قازىرگى ۋاقىتتا «اتامەكەن» پالاتاسىمەن تالقىلاپ جاتىرمىز»، - دەدى باسقارما باسشىسى.
ونىڭ اتاپ وتۋىنشە، بارلىق شەشىم ۆەدومستۆوارالىق كوميسسيادا كەلىسىلگەننەن كەيىن عانا قابىلداناتىن بولادى.
«بۇگىندە «سارى» ايماقتا توي جانە باسقا دا ءىس-شارالاردى وتكىزۋگە شەكتەۋ ەنگىزۋ قاراستىرىلىپ وتىرعان جوق»، - دەدى روزا قوجاپوۆا.
