التىن وردا بازارىنىڭ يەسى اكىمشىلىك جاۋاپقا تارتىلدى

الماتى. قازاقپارات - «التىن وردا» بازارىنىڭ يەسى اكىمشىلىك جاۋاپقا تارتىلدى.

سوت شەشىمىمەن كومپانياعا 1,5 ميلليون تەڭگەگە جۋىق ايىپپۇل سالىندى.

بۇل تۋرالى باسەكەلەستىكتى قورعاۋ جانە دامىتۋ اگەنتتىگى ءمالىم ەتتى، دەپ حابارلايدى قازاقپارات ءتىلشىسى.

«الماتى وبلىسى قاراساي اكىمشىلىك قۇقىق بۇزۋشىلىقتار جونىندەگى مامانداندىرىلعان اۋدانارالىق سوتىنىڭ قاۋلىسىمەن «Altyn Orda QazTrade LTD» ج ش س اكىمشىلىك جاۋپكەرشىلىككە تارتىلىپ، اكىمشىلىك قۇقىق بۇزۋشىلىق تۋرالى كودكەستىڭ 159- بابىنىڭ 3- بولىگىنە سايكەس، مونوپوليالىق جوعارى باعانى قولدانۋ كەزىندە الىنعان مونوپوليالىق كىرىس 46976550 تەڭگە كولەمىندە تاركىلەنە وتىرىپ، 1424776 تەڭگە كولەمىندە ايىپپۇل سالىندى»، - دەلىنگەن حابارلامادا.

اگەنتتىك تاراتقان مالىمەتكە قاراعاندا، بۇعان دەيىن الماتى وبلىسى بويىنشا مونوپولياعا قارسى دەپارتامەنت «Altyn Orda QazTrade LTD» ج ش س- نە قاتىستى اكىمشىلىك ءىس قوزعاپ، ماتەريالداردى قاراۋ ءۇشىن الماتى وبلىسىنىڭ قاراساي مامانداندىرىلعان اۋدانارالىق سوتىنا جىبەرگەن.

«اتاپ ايتقاندا، 2022-جىلعى ناۋرىزدا «التىن وردا» بازارىن تەكسەرۋ قورىتىندىلارى بويىنشا سەرىكتەستىك قىزمەتىندە ساۋدا ورىندارىن كۇندەلىكتى جالعا بەرۋدە مونوپوليالىق جوعارى باعاسىن بەلگىلەۋدەن جانە ۇستاپ تۇرۋدان كورىنەتىن ۇستەمە نەمەسە مونوپوليالىق جاعدايدى تەرىس پايدالانۋ فاكتىلەرى انىقتالعان»، - دەپ حابارلادى ۆەدومستۆودان.

قاراساي مامانداندىرىلعان اۋدانارالىق سوتىنىڭ قاۋلىسى زاڭدى كۇشىنە ەنگەن جوق.