17:24, 22 - شىلدە 2022 | GMT +5
سەمەيدە كارىز قۇدىعىنان ەكى ادامنىڭ دەنەسى تابىلدى
سەمەي. قازاقپارات - سەمەي قالاسىندا كارىز قۇدىعىنان ەكى ادامنىڭ دەنەسى تابىلدى، دەپ حابارلايدى قازاقپارات ءتىلشىسى.
ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، سەمەيدەگى كارىز قۇدىقتارىنىڭ بىرىنەن ەكى ەر ادامنىڭ ءمايىتى تابىلعان.
الدىن الا دەرەك بويىنشا، ولار قۇدىقتاعى گازعا ۋلانىپ كوز جۇمعان.
«پوليتسياعا حابارلاسقان كۋاگەرلەر مايىتتەردى «روشا» ايالداماسىنا جاقىن جەردەگى كارىز قۇدىعىنان تاپقانىن ايتادى. 21- شىلدەدە قالالىق پ ب زاتون پوليتسيا ءبولىمىنىڭ قىزمەتكەرلەرى سوتقا دەيىنگى تەرگەپ-تەكسەرۋدى باستادى. سونىڭ اياسىندا ءبىرقاتار ساراپتاما تاعايىندالدى. ءىستىڭ بۇكىل ءمان-جايىن زەرتتەۋ ءۇشىن قاجەتتى تەرگەۋ امالدارى جۇرگىزىلىپ جاتىر»، - دەپ حابارلادى ۆەدومستۆو وكىلدەرى.
