موبيلدى قوسىمشا ارقىلى الۋعا بولاتىن قۇجاتتار سانى كوبەيدى
«2023-جىلعى 1- قاڭتاردان باستاپ مەملەكەتتىك ورگاندار مەن اكىمدىكتەر قىزمەتىندە «ەلەكتروندى ۇكىمەتتىڭ» ءبىرىڭعاي پلاتفورماسى ەنگىزىلەدى. ءبىرىڭعاي پلاتفورما بەيبەرەكەتتىككە جول بەرمەيدى. قازىر كەي ازاماتتار مەملەكەتتىك قىزمەتتەردى سمارتفون ارقىلى الۋ مۇمكىندىگىن تالاپ ەتىپ جاتىر. وسى ورايدا بيىل 15- شىلدە كۇنى مەملەكەت باسشىسى قول قويعان سيفرلاندىرۋ تۋرالى جاڭا زاڭعا سايكەس EgovMobile موبيلدى قوسىمشاسىنىڭ قولدانۋ اياسى كەڭەيتىلدى»، - دەدى ق ر سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى سيفرلىق ترانسفورماتسيالاۋ دەپارتامەنتىنىڭ ديرەكتورى نازگۇل باجايەۆا AMANAT پارتياسى الاڭىندا وتكەن باسپا ءسوز ءماسليحاتىندا.
ونىڭ ايتۋىنشا، اتالعان موبيلدى قوسىمشا ارقىلى 19 قۇجاتتى الۋعا بولادى.
«سونىمەن قاتار جاڭا زاڭعا سايكەس مەملەكەتتىك تىركەۋ كۋالىكتەرىن بەرۋ ءتارتىبى دە وزگەرەدى. ەندىگى ۋاقىتتا تۋۋ، نەكە، اجىراسۋ جانە قايتىس بولعاننان كەيىن بەرىلەتىن كۋالىكتەر ازاماتتىڭ egov-تاعى جەكە كابينەتىنە جىبەرىلەدى. ال كۋالىكتەردىڭ قاعاز نۇسقاسىن العىسى كەلگەن ازامات ءوتىنىش جازۋى ءتيىس»، - دەيدى ول.
ايتا كەتسەك، 15- شىلدە كۇنى مەملەكەت باسشىسى سيفرلاندىرۋ، اقپاراتتىق قاۋىپسىزدىكتى دامىتۋ ماسەلەلەرى بويىنشا وزگەرىس ەنگىزۋ تۋرالى زاڭعا قول قويدى. بۇعان دەيىن حابارلاعانىمىزداي جاڭا زاڭ اياسىندا قازاقستاندىقتار ەندى بارلىق جەردە جەكە كۋالىكتىڭ ەلەكتروندى نۇسقاسىن قولدانا الادى. سونداي-اق، مينيسترلىك وكىلى قازاقستاندىقتارعا ۇيدەگى ينتەرنەت وپەراتورىن تاڭداۋ مۇمكىندىگى بەرىلەتىنىن ايتتى.
