«قازاقستان حالقىنا» قورى ءبىلىم گرانتتارىنا كونكۋرس جاريالادى
قور باكالاۆريات باعدارلامالارى بويىنشا جوعارى ءبىلىم الۋ اقىسىن تولەۋ ءۇشىن مەملەكەتتىك نەمەسە وزگە گرانت الا الماعان، اۋىلدىق جەرلەردەگى جاعدايى تومەن وتباسىلاردان شىققان تۇلەكتەرگە، جەتىم بالالارعا جانە مۇگەدەكتىگى بار بالالارعا شاكىرتاقى تولەنەتىن گرانتتار بەرەدى.
«قازاقستان حالقىنا» قوعامدىق قورىنىڭ گرانتتارى مەن شاكىرتاقىسىنا ۇمىتكەرلەر (تۇلەكتەر) ءوزى تاڭداعان جوعارى جانە جوعارى وقۋ ورنىنان كەيىنگى ءبىلىمنىڭ ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىنىڭ (بۇدان ءارى – ج ج و ك ب ۇ) قابىلداۋ كوميسسياسىنا 10- تامىزدان باستاپ 17- تامىز ارالىعىندا ءوتىنىم تاپسىرادى.
باعدارلاما 2022-2023 وقۋ جىلىندا جۇزەگە اسىرىلادى.
ج ج و ك ب ۇ كوميسسياسى ارقىلى وتكىزىلەتىن كونكۋرستاردىڭ قورىتىندىلارى بويىنشا «قازاقستان حالقىنا» قوعامدىق قورىنىڭ ءبىلىم بەرۋ گرانتتارى مەن شاكىرتاقىسىن بەرۋ ءۇشىن باعدارلامانىڭ قاتىسۋشىلارىن ىرىكتەۋ كريتەريلەرى:
ۇ ب ت تاپسىرعان جانە ج ج و ك ب ۇ- عا ءتۇسۋ ءۇشىن قاجەت ءوتۋ بالىن جيناعان تۇلەكتەر:
- اۋىلدىق جەرلەردەگى جاعدايى تومەن وتباسىلاردان شىققان تۇلعالار؛
- جەتىم بالا ساناتىنا جاتاتىن جانە كامەلەتتىك جاسقا دەيىن اتا-اناسىنىڭ قامقورلىعىنسىز قالعان تۇلعالار؛
- مۇمكىندىكتەرى شەكتەۋلى، سونىڭ ىشىندە مۇگەدەكتىگى بار تۇلعالار.
2) ج ج و ك ب ۇ ستۋدەنتتەرىنىڭ اراسىندا وتكىزەتىن كونكۋرستاردىڭ قورىتىندىلارى بويىنشا قوردىڭ گرانتى مەن شاكىرتاقىسىنا ۇمىتكەر باعدارلاما قاتىسۋشىلارىن ىرىكتەۋ كريتەريلەرى:
- مۇمكىندىگى شەكتەۋلى، سونىڭ ىشىندە مۇگەدەكتىگى بار ستۋدەنتتەر؛
- جەتىم بالا ساناتىنا جاتاتىن جانە كامەلەتتىك جاسقا دەيىن اتا- اناسىنىڭ قامقورىنسىز قالعان ستۋدەنتتەر؛
- اۋىلدىق جەرلەردەگى جاعدايى تومەن وتباسىلاردان شىققان ستۋدەنتتەر؛
- تولىق ەمەس وتباسىدان، 1 جانە 2 توپتاعى مۇگەدەك بالالاردى تاربيلەپ جۇرگەن وتباسىدان شىققان ستۋدەنتتەر؛ - اتا- انالارى/اتا- اناسىنىڭ ءبىرى 1 جانە 2 توپ مۇگەدەگى بولىپ تابىلاتىن ستۋدەنتتەر. شاكىرتاقى تولەنەتىن گرانت باعدارلامانىڭ اياسىندا شارت جاسالعان ساتتەن باستاپ باكالاۆريات باعدارلامالارى بويىنشا تولىق وقۋ كەزەڭىن قامتيدى. وقۋ قۇنى بويىنشا شەكتەمە ءاربىر گرانت الۋشى ستۋدەنت ءۇشىن 1 ميلليون تەڭگە مولشەرىن قۇرايدى.
ەگەر ستۋدەنتتىڭ جىلدىق وقۋىنىڭ قۇنى 1 ميلليون تەڭگەدەن ارتىق بولسا، وندا 1 ميلليون تەڭگەدەن اساتىن ايىرماشىلىقتى گرانت الۋشى ستۋدەنتتىڭ ءوزى تولەۋى ءتيىس.
