الماتى اكىمدىگى «كوروناۆيرۋس ينفەكسياسىن اۋاعا شاشىپ جاتىر» دەگەن ۆيدەوعا قاتىستى تۇسىنىك بەردى

الماتى. قازاقپارات - الماتىدا تۇنگى ۋاقىتتا جاسىل جەلەكتەرگە بيولوگيالىق وڭدەۋ جۇمىستارى جۇرگىزىلۋدە.

بۇل تۋرالى قالالىق اكىمدىك ءمالىم ەتتى، دەپ حابارلايدى قازاقپارات ءتىلشىسى.

الەۋمەتتىك جەلىدە «الماتىدا ارنايى كولىكپەن كوروناۆيرۋس شاشىپ جاتىر» دەگەن ۆيدەو تارادى.

الماتى اكىمدىگىنىڭ مالىمەتىنشە، بۇل اقپارات شىندىققا جاناسپايدى. سەگىز اۋدان اۋماعىندا قالانىڭ جاسىل قورىن ساقتاۋ جانە اباتتاندىرۋ ماقساتىندا مامانداندىرىلعان ۇيىمدار جاپىراق جەيتىن جانە سوراتىن زيانكەستەردەن جاسىل القاپتاردى بيولوگيالىق وڭدەۋ جۇمىستارىن جۇرگىزۋدە. وڭدەۋ قولدانۋعا رۇقسات ەتىلگەن قاۋىپتىلىگى تومەن كلاستى (ر-4) بيولوگيالىق جانە كەيبىر جاعدايلاردا حيميالىق پرەپاراتتارمەن جۇرگىزىلەدى.

«وعان ميكروبيولوگيالىق پرەپارات «بيتوكسيباتسيللين»، «اكتاروفيت» پايدالانىلدى. بۇل پرەپاراتتىڭ ەرەكشەلىگى «ءتىرى» كومپوزيتسيا بولىپ تابىلادى، ونىڭ قۇرامىندا توكسيندەر جوق، ونىڭ بەلسەندى زاتى - اقۋىز كريستالدارى مەن ميكروبتىق داقىل (Bacillus thuringiensis var. Thuringiensis). پرەپارات ادامدار، ارالار، جانۋارلار، قۇستار مەن بالىقتار ءۇشىن قاۋىپسىز»، - دەپ حابارلادى قالالىق اكىمدىكتەن.