اباي وبلىسى اكىمىنىڭ ورىنباسارى تاعايىندالدى
شالقار زامانبەك ۇلى 1967 -جىلى سەمەي وبلىسى اباي اۋدانىندا دۇنيەگە كەلگەن. 1996 -جىلى قازاقستان مەملەكەتتىك باسقارۋ اكادەمياسىندا «ەكونوميست» ماماندىعىن، كەيىن قازاقستان مەملەكەتتىك زاڭ اكادەمياسىن «زاڭگەر» ماماندىعى بويىنشا ءتامامداعان.
ەڭبەك جولىن 1988 -جىلى سەمەي وبلىسى جاڭاسەمەي اۋداندىق مەملەكەتتىك ساقتاندىرۋ ينسپەكسياسىنىڭ اعا ينسپەكتورى بولىپ باستادى.
1988-1999 -جىلدارى سەمەي قالاسى جانە سەمەي وبلىسى بويىنشا سالىق ينسپەكتسياسىنىڭ باس مەملەكەتتىك ينسپەكتورى، ءبولىم باستىعى، سالىق ينسپەكتسياسىنىڭ ءبىرىنشى ورىنباسارى، 1999-2014 -جىلدارى پاۆلودار قالاسى بويىنشا سالىق كوميتەتىنىڭ ءتوراعاسى، استانا قالاسى بويىنشا سالىق كوميتەتى ءتوراعاسىنىڭ ورىنباسارى بولدى.
2014-2017 -جىلدارى قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك باقىلاۋ جانە اۋماقتىق- ۇيىمداستىرۋ جۇمىسى ءبولىمىنىڭ مەملەكەتتىك ينسپەكتورى لاۋازىمىن اتقارعان. 2017-2019 -جىلدارى شىعىس قازاقستان وبلىسى اكىمىنىڭ ورىنباسارى، 2019-2021 -جىلدارى شىعىس قازاقستان وبلىسى بەسقاراعاي اۋدانىنىڭ اكىمى بولىپ قىزمەت اتقاردى.
