باقىتگۇل حامەنوۆاعا قاتىستى سوت وتىرىسىنىڭ وتەتىن ۋاقىتى بەلگىلى بولدى
«باقىتگۇل حامەنوۆاعا قاتىستى قىلمىستىق ءىستى قاراۋ 2022 -جىلعى 3-تامىزدا جەرگىلىكتى ۋاقىتپەن ساعات 9:30-عا بەلگىلەندى. سوت وتىرىسى اتىراۋ قالاسىنىڭ №2 سوتىندا وتەدى»، - دەپ ءمالىم ەتتى سوتتىڭ باسپا ءسوز قىزمەتى.
وبلىستىق سوتتىڭ باسپا ءسوز قىزمەتىنەن ءمالىم ەتكەندەي، بيىلعى 26-مامىردا اتىراۋ قالاسىنىڭ №2-سوتىنا ق ر قىلمىستىق كودەكسىنىڭ 366-بابىنىڭ 3-بولىگىنىڭ 2-تارماعىمەن اتىراۋ وبلىسى اكىمىنىڭ ورىنباسارى باقىتگۇل حامەنوۆاعا، اتىراۋ وبلىسى مادەنيەت، تىلدەردى دامىتۋ جانە ارحيۆ ءىسى باسقارماسىنىڭ باسشىسى اقىلبەك رىسقاليەۆكە، ق ر قىلمىستىق كودەسىنىڭ 367-بابىنىڭ 2-بولىگىمەن «ب» ج ش س-نىڭ ديرەكتورىنا قاتىستى قىلمىستىق ءىس تۇسكەن. وسىعان بايلانىستى باستى سوت وتىرىسىن 2022 -جىلعى 14-ماۋسىمدا ساعات 14:45-تە وتكىزۋ بەلگىلەنگەن بولاتىن. الايدا، باقىتگۇل حامەنوۆانىڭ ىسىنە قاتىستى سوت وتىرىسى كەيىنگە قالدى.
بۇعان سۋديانىڭ وزگە قىلمىستىق ءىس بويىنشا كەڭەسۋ بولمەسىنە كەتۋى سەبەپ بولعان. اتىراۋ وبلىسى اكىمىنىڭ ورىنباسارى باقىتگۇل حامەنوۆا بىلتىرعى جەلتوقساندا قاماۋعا الىنعان. سىبايلاس جەمقورلىققا قارسى قىزمەت ءوزىنىڭ Telegram پاراقشاسىندا ءمالىم ەتكەندەي، اتىراۋ وبلىسى اكىمىنىڭ ورىنباسارى مەن مادەنيەت، ارحيۆتەر جانە قۇجاتتاما باسقارماسىنىڭ باسشىسى پارا الۋ كۇدىگىنە ىلىنگەن.
كۇدىكتىلەر اباي ەسكەرتكىشىن جاساۋ جانە ورناتۋ بويىنشا 145 ميلليون تەڭگە سوماسىنا مەملەكەتتىك ساتىپ الۋ شارتىن جاساعانى ءۇشىن ءبىر توپ اداممەن الدىن الا ءسوز بايلاسۋ ارقىلى ج ش س باسشىسىنان 4,5 ميلليون تەڭگە سوماسىندا پارا العان. ونىمەن بىرگە مادەنيەت، ارحيۆتەر جانە قۇجاتتاما باسقارماسىنىڭ باسشىسى اقىلبەك رىسقاليەۆ پارا الۋ كۇدىگىنە ىلىنگەن.
كۇدىكتىلەرگە اباي ەسكەرتكىشىن جاساۋ جانە ورناتۋ بويىنشا 145 ميلليون تەڭگە سوماسىنا مەملەكەتتىك ساتىپ الۋ شارتىن جاساعانى ءۇشىن ءبىر توپ اداممەن الدىن الا ءسوز بايلاسۋ ارقىلى ج ش س باسشىسىنان 4,5 ميلليون تەڭگە سوماسىندا پارا الۋ كۇدىگىمەن قىلمىستىق ءىس قوزعالدى. باقىتگۇل حامەنوۆا اتىراۋ وبلىسى اكىمىنىڭ ورىنباسارى بولىپ 2020 -جىلعى 13-ناۋرىزدا تاعايىندالدى.
فوتو: aikyn.kz
