اجار عينيات وزەكتى ماسەلەنى ايتقان ارباداعى ازاماتتى جۇمىسقا الدى
الماس ۋتكۋروۆ اجار عينياتقا مۇگەدەكتەردى ەمدەۋگە جانە تەكسەرۋگە نازار اۋدارۋىن سۇراعان. الماستىڭ ايتۋىنشا، قازاقستاندا مۇگەدەكتەرگە كوپ كوڭىل بولىنبەيدى. ءمينيستردى جىگىتتىڭ اڭگىمەسى تاڭعالدىرعانى سونداي، وعان كومەكشىسى بولۋدى ۇسىندى. ەندى ول ەلدىڭ باس دارىگەرىنە كومەكتەسەدى.
«قۇرمەتتى الماس، مەن ءسىزدىڭ سۇراعىڭىزدى جەكە باقىلاۋىما الامىن. ءسىزدىڭ شىنايى ەكەنىڭىزدى كورىپ وتىرمىن، مەنىڭ كومەكشىم بولۋدى ۇسىنامىن. ءتىپتى، وسى جەردە، شىمكەنتتە دە ونلاين جۇمىس ىستەيتىن بولامىز»، - دەدى اجار عينيات.
ارباداعى ازامات ۇسىنىستى قابىلداپ، كوپتەگەن ماسەلەنى تەزىرەك شەشۋگە بولادى دەپ ۇمىتتەنەتىنىن ايتتى.
«مينيستر ماعان سەنىم ءبىلدىردى. مەن ونىمەن جۇمىس ىستەۋگە كەلىسەمىن»، - دەدى الماس ۋتكۋروۆ.
ول 2016 -جىلى جول اپاتىنان كەيىن مۇگەدەكتەر ارباسىنا تاڭىلعان.
