اقمولا وبلىسىندا كيىك اتىپ العان ەر ادام ءىستى بولدى

كوكشەتاۋ. قازاقپارات - اقمولا وبلىسى جارقايىڭ اۋداندىق پوليتسيا ءبولىمىنىڭ قىزمەتكەرلەرى مەن «وحوتزووپروم» رەسپۋبليكالىق مەملەكەتتىك قازىنالىق كاسىپورنىنىڭ ينسپەكتورلارى كيىكتى زاڭسىز اتىپ العان كۇدىكتىنى ۇستادى، دەپ حابارلايدى قازاقپارات ءتىلشىسى.

اقمولا وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، 31 جاستاعى ەر ادام 20-شىلدەدە شويىندىكول اۋىلى اۋماعىندا قولعا تۇسكەن. كۇدىكتىنىڭ «گازەل» كولىگىن ءتىنتۋ كەزىندە ءبىر كيىك ەتى، «م ر-153» تەگىس ۇڭعىلى مىلتىق، سونداي-اق 12 كاليبرلى 11 پاترون تابىلدى.

«اتالمىش دەرەك قىلمىستىق كودەكستىڭ 337-بابى 4-بولىگى («زاڭسىز اڭشىلىق») بويىنشا سوتقا دەيىنگى تەرگەپ-تەكسەرۋدىڭ ءبىرىڭعاي تىزىلىمىنە تىركەلدى. كۇدىكتىگە «كەلۋ تۋرالى مىندەتتەمە» تۇرىندە پروتسەسسۋالدىق ماجبۇرلەۋ شاراسى تاڭدالدى»، - دەدى ۆەدومستۆودان.

وسى رەتتە پوليتسيا قىزمەتكەرلەرى ەل اۋماعىندا عىلىمي ماقساتتاردا پايدالانۋدى قوسپاعاندا، كيىكتەردى، ولاردىڭ بولىكتەرى مەن دەريۆاتتارىن 2023 -جىلعا دەيىن پايدالانۋعا تىيىم سالىنعانىن ەسكە سالادى.