جوعارعى سوت عيماراتىنىڭ الدىندا ەر ادام ءوزىن ورتەمەك بولدى
«بيىلعى 20-شىلدەدە ازامات م. ق ر جوعارعى سوتى عيماراتىنىڭ الدىندا ۇستىنە بەنزين قۇيىپ، ءوزىن-ءوزى ورتەۋگە وقتالعان. وعان قاتىستى «ۇساق بۇزاقىلىق» (ا ق ب ت ك-نىڭ 434-بابىنىڭ 1-بولىگى) بابى بويىنشا اكىمشىلىك ءىس قوزعالدى. م.-نىڭ تۇسىنىكتەمەسى بويىنشا ول تۇركىستان وبلىسىنىڭ ءبىرىنشى ساتىلى سوتىندا بۇگىنگى كۇنى قارالىپ جاتقان قىلمىستىق ءىس بويىنشا جابىرلەنۋشىنىڭ اعاسى بولىپ تابىلادى»، - دەلىنگەن حابارلامادا.
اكىمشىلىك قۇقىق بۇزۋشىلىقتار جونىندەگى مامانداندىرىلعان اۋدانارالىق سوت اتالعان ازاماتتى كىنالى دەپ تانىپ، 5 تاۋلىككە اكىمشىلىك قاماۋعا الدى.
«سوت جازانى قوعامعا تەرىس اسەر ەتەتىن جانە قوعامعا قۇرمەتتەمەۋشىلىك بىلدىرۋگە باعىتتالعان قاساقانا ارەكەتتىڭ دارەجەسى مەن سيپاتىن ەسكەرە وتىرىپ تاعايىندادى»، - دەپ تۇسىندىرەدى سوتتان. قاۋلى زاڭدى كۇشىنە ەنگەن جوق.
