تۋربۋلەنتتىلىككە ۇشىراعان رەيستىڭ سەگىز جولاۋشىسى جاراقات الدى
وسىدان كەيىن سەگىز ادام اۋرۋحاناعا ءتۇستى، دەپ حابارلايدى قازاقپارات CBS News اگەنتتىگىنە سىلتەمە جاساپ.
American Airlines اۆياكومپانياسى «كۇتپەگەن تۋربۋلەنتتىلىككە» قاراماستان، ۇشاق امەريكانىڭ بيرمينگەم قالاسىنا ءساتتى قوندى. اۋە كومپانياسى ەكى ستيۋاردەسسا مەن التى جولاۋشى ءارى قاراي تەكسەرىلۋ ءۇشىن اۋرۋحاناعا جاتقىزىلعانىن راستادى. زارداپ شەككەندەردىڭ جاي-كۇيى جانە جاراقات الۋ سەبەپتەرى تۋرالى قوسىمشا اقپارات حابارلانبايدى.
Embraer E175 بورتىندا 52 جولاۋشى، ەكى ۇشقىش جانە ەكى ستيۋاردەسسا بولعان. فەدەرالدى ازاماتتىق اۆياتسيا باسقارماسى مەن كولىكتەگى قاۋىپسىزدىگى جونىندەگى ۇلتتىق كەڭەس وقيعاعا قاتىستى تەرگەۋدى قاراستىرىپ جاتقانىن ايتتى.
ايتا كەتەيىك، تۋربۋلەنتتىلىك - سۇيىقتىقتىڭ سوڭعى ماسساسىنىڭ گاز مولەكۋلالارىنا ۇقساس رەتسىز، بەي- بەرەكەت، ءار ءتۇرلى باعىتتا قوزعالۋى.
