وسكەمەندە ەسىرتكىنى جاڭعاققا تىعىپ تۇرمەگە كىرگىزبەك بولعان
ش ق و بويىنشا قىلمىستىق- اتقارۋ جۇيەسى دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، ەلوردادان پوشتا ارقىلى كەلگەن سالەمدەمەنى تەكسەرۋ كەزىندە گرەك جاڭعاعى قابىعىنىڭ ىشىنەن ەرەكشە ءيىسى بار وسىمدىك تەكتەس زات تابىلعان. بۇدان بولەك، قاعاز ورامالدىڭ ءىشىن كەسىپ تەلەفون تىعىپ قويعان. ال ءتىس پاستاسى قورابىنان ۇيالى تەلەفونعا ارنالعان قۇلاققاپ شىقتى. تاركىلەنگەن زاتتار ساراپتاماعا جىبەرىلدى.
«بارلىق كەلىپ تۇسكەن سالەمدەمەلەردى تۇزەتۋ مەكەمەسىنىڭ قىزمەتكەرلەرى جان-جاقتى تەكسەرۋدەن وتكىزەدى. سوتتالعاندارعا الۋعا تىيىم سالىنعان زاتتار تاركىلەنەدى. ەسكەرتۋلەر مەن ءتۇسىندىرۋ جۇمىستارىنا قاراماستان كەيبىرەۋلەر تۇرمە قىزمەتكەرلەرى بايقاماي قالادى دەپ ۇمىتتەنىپ، زاڭسىز زاتتى سالىپ جىبەرەدى»، - دەيدى وۆ 156/20 مەكەمەسى باستىعىنىڭ ورىنباسارى ەرمەك ايتمۇقاشەۆ.
