شىمكەنتتە قويما عيماراتى ورتەنىپ كەتتى
قالالىق ت ج د مالىمەتىنشە، ءورت كۇندىزگى ساعات 14:42 دە سايرام كوشەسىندەگى قويمادان شىققان. وقيعا ورنىنا كەلگەن العاشقى ءورت ءسوندىرۋ بولىمشەلەرى بۇرىنعى كىرپىش زاۋىتىنىڭ اۋماعىندا جەكە كومپانيانىڭ ءبىر قاباتتى قويما عيماراتى جانعانىن انىقتاعان. الدىن الا دەرەكتەر بويىنشا قويمادا لدسپ، لامينات جانە تۇرمىستىق تەحنيكا ساقتالعان.
«وقيعا ورنىنا 2 بيس شاقىرۋ دارەجەسى بويىنشا 120 قىزمەتكەر مەن ءورت ءسوندىرۋ قىزمەتىنىڭ 25 تەحنيكاسى، 1 ءورت پويىزى مەن اپاتتار مەديتسيناسى ورتالىعى فيليالىنىڭ بريگاداسى، جەدەل مەديتسينالىق جاردەم بريگاداسى جەتكەن. سونداي- اق، پوليتسيا دەپارتامەنتىنىڭ 30 قىزمەتكەرى مەن 9 تەحنيكاسى، جەرگىلىكتى اتقارۋشى ورگانداردىڭ 7 قىزمەتكەرى مەن 7 تەحنيكاسى جۇمىلدىرىلدى. ءورتتىڭ جالپى اۋدانى 1800 شارشى مەتردى قۇراعان. ءورت ساعات 17.07 دە وقشاۋلاندى. ءورتتىڭ سەبەپتەرى جانە ماتەريالدىق زياننىڭ مولشەرى انىقتالۋدا»، - دەلىنگەن حابارلامادا.
