تۇركىستان وبلىسىندا كۇن ىسىعالى بەرى جەدەل جاردەمگە جۇگىنەتىندەر كۇرت ءوستى
قازىرگى كەزدە وبلىستاعى اق حالاتتىلار كۇنىنە ءۇش مىڭعا جۋىق شاقىرتۋعا شىعىپ جاتىر. مامانداردىڭ ايتۋىنشا بۇگىنگە دەيىن كۇنىنە 2000 جوباسىندا قوڭىراۋ تۇسەتىن. ال، 17-شىلدەدەن باستاپ العاشقى كومەك سۇراپ قوڭىراۋ سوعۋشىلار 1000 ادامعا كوبەيگەن. سونداي- اق، ناۋقاستانۋشىلاردىڭ ىشىندە ىستىعى كوتەرىلىپ حابارلاسىپ جاتقاندار كوپ.
«كۇننىڭ ىسۋى جۇرەك- قانتامىر اۋرۋلارى مەن وكپەنىڭ جانە تەرى اۋرۋلارىنىڭ ورشۋىنە الىپ كەلۋى مۇمكىن. جۇرەك- قانتامىر جۇيەسىندەگى ارتەريالاردا قان قىسىمى جوعارىلاپ جانە ادام ورگانيزمىندەگى قاتتى تەرشەڭدىكتەن، سۋسىزدانۋدان قان قويۋلانۋى مۇمكىن. ونىڭ سالدارىنان ينفاركت، ينسۋلت اۋرۋلارى اسقىنادى. اپتاپ ىستىقتا مۇزداتقىشتان سالقىن سۋ ءىشۋ وكپەنىڭ قابىنۋىنا الىپ كەلەدى. سوندىقتان ساقتىق شارالارىن قاتاڭ ۇستانۋ قاجەت. ناۋقاستار ۇنەمى ءدارى- دارمەگەن ۋاقىتىلى ءىشىپ، كۇتىنىپ ءجۇرۋى ءتيىس. كۇن ىستىقتا مۇمكىندىگىنشە سىرتقى شىقپاۋ كەرەك. بولمە تەمپەراتۋراسىنداعى سۇيىقتىقتى ءجيى ءىشىپ وتىرۋ ماڭىزدى» - دەيدى تۇركىستان قالالىق ەمحاناسىنىڭ تەراپيەۆتى ارداق شەنگەلبايەۆا.
