ورىس جىگىتى قازاق ءتىلىن تەگىن ۇيرەتىپ ءجۇر

ءتىپتى رەسپۋبليكالىق بايقاۋلارعا قاتىسىپ، جۇلدەلى ورىنداردان كورىندى. قازىر كىتاپ جازۋعا دەن قويعان.

الەكسەي لودوچنيكوۆ، ەلباسى اكادەمياسىنىڭ PR مەنەدجەرى:

- مەن تەگىن قازىر ونلاين تۇردە قازاق ءتىلىن ۇيرەتىپ جاتىرمىن. ءيا كەرەمەت ءمۇعالىممىن دەپ ايتا المايمىن ءوزىمدى. ءبىراق بىلگەنىمدى قوعامعا، حالىققا جەتكىزەيىن دەدىم. مەنىڭ ويىمشا وتە دۇرىس بولار ەدى.

الەكسەيدىڭ ونلاين ساباعىنا قاتىسىپ جۇرگەندەردىڭ 70 پروتسەنتى قازاقتار. الداعى ۋاقىتتا ەلدىڭ ساياسي ومىرىنە ارالاسۋ مۇمكىندىگى تۋسا، باس تارتپاس ەدىم، - دەيدى جاس جىگىت.

الەكسەي لودوچنيكوۆ، ەلباسى اكادەمياسىنىڭ PR مەنەدجەرى:

- ولاردىڭ باسىم بولىگى مەن قازاقستاندا تۇرىپ جاتىرمىن، كەي كەزدە ۇيالامىن قازاق ۇلتىنان بولعانىممەن انا ءتىلىمىدى بىلمەيمىن دەيدى. ءبىزدىڭ قوعامدا قالاي؟ ەگەر سەن پرەزيدەنتپەن تيكتوك تۇسىرسەڭ، ءبىتتى سەن دەپۋتات بولعىڭ كەلەدى، دەگەندەي. جوق، ولاي ەمەس. مەنى ساياساتقا شاقىرسا، قارسى ەمەسپىن. مەنىڭ ويىمشا ەلىنە جانى اشيتىن ول تەك وسى ەلدى ماقتاپ تۇرماي، ونىڭ جامان جاقتارىن دا ايتىپ وتىرادى.

قازاق ءتىلىن ءوزى مەڭگەرگەن ا ق ش ازاماتى كەلەسى كەيىپكەرىمىز - ۆيكا اپا. تارازداعى بالالار ءۇيىنىڭ تاربيەلەنۋشىلەرى ۆيكتوريا شاربونەنى وسىلاي اتايدى. قازاقستانعا العاش رەت 22 جىل بۇرىن كەلگەن. 2009 -جىلى جامبىل وبلىسىنا قونىس اۋدارادى. ا ق ش ازاماتى جالعىزباستى ايەلدەرگە جانە اتا- انا قامقورلىعىنسىز قالعان بالالارعا كومەكتەسەدى. سونىمەن قاتار، قازاق ءتىلىن مەڭگەرىپ، ناسيحاتتاپ ءجۇر.

ۆيكتوريا شاربونە، قالا تۇرعىنى

- وسى جەر - قازاقستان. سوسىن قازاق ءتىلى بولۋى كەرەك. ەكىنشى اعىلشىن ءتىلىن ءبىلۋى كەرەك. كوبىرەك ەسىك اشادى. جانە ورىسشا بولۋ كەرەك. كوپ كىتاپ ورىسشا بار. سوسىن ءبىزدىڭ ماقسات 3 ءتىلى بولۋ كەرەك. بالالار جاقسى مۇعالىمدەر. مەن دۇرىس ەمەس ايتامىن. اپاي مىناۋ دۇرىس ەمەس، مىناۋ دۇرىس. قازاقستاندا مەملەكەتتىك ءتىلدى مەڭگەرگىسى كەلگەن ءاربىر ازاماتقا مۇمكىندىك كوپ.

بىلتىر 52 مىڭعا جۋىق ادام ءتول تىلدە سويلەۋ كۋرستارىنان ءوتىپ، سەرتيفيكات الدى. مەملەكەتتىك ءبىلىم بەرۋ مەكەمەلەرىن قوسپاعاندا، ەل اۋماعىندا شامامەن 600 ءتىل ورتالىعى جۇمىس ىستەيدى. وسىنداي شارالار ءار وڭىردەگى دوستىق ۇيلەرىندە دە قولعا الىنعان.

www.24.kz