قاراعاندىدا قانتقا تالاس جالعاسىپ جاتىر
قالاداعى سۋپەرماركەتتەردىڭ بىرىندە ساتىپ الۋشىلار قانتقا تالاسىپ، سورەلەردىڭ تاس- تالقانىن شىعارىپ جاتىر. ۆيدەو الەۋمەتتىك جەلىلەردە جاريالاندى. قالالىق اكىمدىك جاعدايدى ءتۇسىندىردى.
«ايان» سۋپەرماركەتىندەگى دۇرلىگۋگە قاتىستى الەۋمەتتىك جەلىلەردەگى جاريالانىمدارعا وراي مىنانى حابارلايمىز. بۇگىنگى تاڭدا لوگيستيكالىق باعىتتاردىڭ وزگەرۋىنە بايلانىستى قالاعا قانت ۆاگوندارىن جەتكىزۋدە كىدىرىس بولىپ وتىر. سونىڭ سالدارىنان قالانىڭ ساۋدا وبەكتىلەرىنە قانت تاپشىلىعى تۋىندادى. ال حالىق تاراپىنان قانتقا دەگەن سۇرانىس بارىنشا ارتىپ جاتىر. ساتىپ الۋشىلاردى كوبىرەك قامتۋ جانە ءبىرقاتار ساۋدا وبەكتىلەرىنىڭ الىپساتارلىق جاساۋىنا جول بەرمەس ءۇشىن جوعارى سۇرانىسقا يە تاۋارلاردى ءبىر قولعا بەرۋگە شەكتەۋ قويۋ پراكتيكاسى قولدانىلادى. وسىعان بايلانىستى قالا تۇرعىندارىن دۇربەلەڭگە بوي الدىرماي، قاجەت بولماسا كوپ مولشەردە قانت ساتىپ الماۋعا شاقىرامىز»، - دەپ حابارلادى اكىمدىك.
