«سارى» ايماقتاعى ەلوردادا قانداي نىسانداردا ماسكامەن ءجۇرۋ قاجەت

نۇر- سۇلتان. قازاقپارات - ەلوردانىڭ «سارى» ايماققا وتۋىنە بايلانىستى نۇر- سۇلتان قالاسى باس سانيتار دارىگەرى سارحات بەيسەنوۆانىڭ قاۋلىسى شىقتى، دەپ جازادى قازاقپارات ءتىلشىسى.

«جەكە تۇلعالارعا اۆتوۆوكزال، ساۋدا- ويىن- ساۋىق ورتالىعى، ساۋدا ءۇيى، جابىق بازار، كونسەرت زالى، تەاتر، كينوتەاتر، حالىققا قىزمەت كورسەتۋ ورتالىعى (ح ق و)، بانك، ستاديون سياقتى ادامدار كوپ جينالاتىن ورىندارعا، ۇيىمداسقان ۇجىمدارعا بارعان كەزدە، سونداي- اق قالا ىشىندەگى قوعامدىق كولىكتە جول جۇرگەن كەزدە بەتپەردە كيۋ ۇسىنىلادى. بۇل تالاپ 5 جاسقا دەيىنگى بالالارعا مەن ەرەسەكتەرگە تاماقتانۋ كەزىندە جۇرمەيدى»، - دەپ جازىلعان قاۋلىدا.

بۇعان دەيىن دە حابارلاعانىمىزداي، ەلوردا «سارى» ايماقتا بولعان كەزدە قالا اۋماعىندا 10 نان ارتىق ادانىڭ قاتىسۋىمەن وتەتىن جيىنداردى قاشىقتان وتكىزۋ ۇسىنىلادى.

«نۇر- سۇلتان قالاسىنىڭ اكىمدىگى، قالالىق كاسىپكەرلەر پالاتاسى، مەملەكەتتىك ورگاندار، قۇقىق قورعاۋ جانە ارنايى ورگاندار، كاسىپورىنداردىڭ، ۇيىمداردىڭ باسشىلارى، كاسىپكەرلىك سۋبەكتىلەرى اۆتوۆوكزال، ساۋدا- ويىن- ساۋىق ورتالىعى، ساۋدا ءۇيى، جابىق بازار، كونتسەرت زالى، تەاتر، كينوتەاتر، حالىققا قىزمەت كورسەتۋ ورتالىعى (ح ق ك و)، بانك، ستاديون سياقتى ادامدار كوپ جينالاتىن ورىنداردا بەتپەردە رەجيمىنىڭ ساقتالۋىن جانە قولدى وڭدەۋگە انتيسەپتيكتەردى قولدانىلۋىن قامتاامسىز ەتسىن» - دەلىنگەن قالانىڭ باس سانيتارىنىڭ قاۋلىسىندا.

قاۋلى 23-شىلدەدەن باستاپ كۇشىنە ەنەدى. بۇعان دەيىن استانانىڭ «سارى» ايماققا وتكەنىن حابارلاعانبىز.