قازاقستاندا جاڭا كاسىبي مەرەكە پايدا بولۋى مۇمكىن

نۇر-سۇلتان. قازاقپارات - قازاقستاندا تۇرعىن ءۇي-كوممۋنالدىق شارۋاشىلىعى سالاسىنىڭ قىزمەتكەرلەرى كۇنى بەلگىلەنۋى مۇمكىن.

بۇل مەرەكە كۇزگى-قىسقى جىلىتۋ ماۋسىمى اياقتالاتىن 16- ساۋىردە تويلانۋى مۇمكىن، دەپ حابارلايدى قازاقپارات ءتىلشىسى.

قازاقستانداعى مەرەكەلىك كۇندەر تىزبەسى تۋرالى ۇكىمەت قاۋلىسىنا وزگەرىستەر ەنگىزۋدى كوزدەيتىن جوبا «اشىق ن ق ا» سايتىندا جاريالانعان.

قۇجاتتى جاريا تۇردە تالقىلاۋ 2- تامىزعا دەيىن جالعاسادى.

«تۇرعىن ءۇي-كوممۋنالدىق شارۋاشىلىق سالاسىنىڭ قىزمەتكەرلەرى تاۋلىك بويى ەل حالقىن جىلۋمەن، ەلەكتر ەنەرگياسىمەن، سۋمەن قامتاماسىز ەتەدى، كوشەلەردىڭ تازالىعىن قاداعالايدى، سونداي-اق ەلدىڭ تۇرعىن ءۇي قورىن باسقارادى جانە كۇتىپ ۇستايدى، وسىلايشا ازاماتتاردىڭ قولايلى جانە جايلى ءومىر سۇرۋىنە جاعداي جاسايدى. ت ك ش قىزمەتكەرلەرى كۇنى ك س ر و- دا 1966-جىلدان باستاپ شىلدەنىڭ ءتورتىنشى جەكسەنبىسىندە اتالىپ ءوتتى جانە ت م د- نىڭ كوپتەگەن ەلدەرىندە، سونىڭ ىشىندە رەسەيدە، بەلارۋسسيادا، ۋكراينادا، وزبەكستاندا ساقتالعان. ءدال وسى كۇنى تۇرعىندارعا قاجەتتى وسى سالادا ءومىر بويى جۇمىس ىستەگەن ت ك ش ارداگەرلەرىنە قۇرمەت كورسەتىلگەن. بۇل مەرەكەنى بەلگىلەۋ ارداگەرلەردىڭ ورنىنا وسى سالاعا جوعارى بىلىكتى جاس ماماندار مەن ينجەنەرلەردىڭ كەلۋىنە، سونداي-اق ت ك ش قىزمەتكەرلەرى كاسىبىنىڭ بەدەلىن جانە ولاردىڭ كاسىبي ماقتانىشىن ارتتىرۋعا ىقپال ەتەدى»، - دەپ جازىلعان قاۋلى جوباسىنىڭ نەگىزدەمەسىندە.