بيزنەسمەن بورانبايەۆقا ىزدەۋ جاريالاندى

نۇر-سۇلتان. قازاقپارات - قارجى مونيتورينگى اگەنتتىگى بيزنەسمەن مۇرات بورانبايەۆقا ىزدەۋ جاريالادى، دەپ حابارلايدى قازاقپارات ءتىلشىسى.

مۇرات بورانبايەۆقا ىزدەۋ سالۋ تۋرالى اقپارات قۇقىقتىق ستاتيستيكا ورگاندارىنىڭ پورتالىندا جاريالاندى.

ىزدەستىرۋدى جۇرگىزەتىن ورگان رەتىندە الماتى بويىنشا ەكونوميكالىق تەرگەۋ دەپارتامەنتى كورسەتىلگەن.

مۇرات بورانبايەۆ 1970-جىلى تۋعان، ق ر ازاماتى. كەي دەرەككوزدەر ونى قايرات بورانبايەۆتىڭ ءىنىسى دەپ جازادى.

ايتا كەتەيىك، قارجى مونيتورينگى اگەنتتىگى قايرات بورانبايەۆقا كۆازيمەملەكەتتىك سەكتوردا اسا ءىرى كولەمدە قاراجات جىمقىرۋ فاكتىسى بويىنشا ءىس قوزعاپ، ۋاقىتشا ۇستاۋ يزولياتورىنا قاماعان بولاتىن.

Forbes.kz جازۋىنشا، قايرات بورانبايەۆ قازاقستانداعى ەڭ ىقپالدى 50 كاسىپكەردىڭ قاتارىنا كىرەدى.

8- شىلدەدە سوت شەشىمىمەن قايرات بورانبايەۆتى كۇزەتپەن ۇستاۋ مەرزىمى تاعى 1 ايعا ۇزارتىلدى.

سونىمەن بىرگە، قايرات ساتىبالدى مەن قايرات بورانبايەۆتىڭ سىرتقا زاڭسىز شىعارىلعان اكتيۆتەرى قايتارىلا باستادى .

قازىرگى ۋاقىتتا تەرگەپ-تەكسەرۋ ورگاندارى قابىلداعان شارالار ارقىلى شامامەن 230 ميلليارد تەڭگە قايتارىلدى.