ناتو گەرمانيادا اسكەري جاتتىعۋ وتكىزىپ جاتىر

نۇر-سۇلتان. قازاقپارات – گەرمانيادا ناتونىڭ حالىقارالىق اسكەري جاتتىعۋى ءوتىپ جاتىر.

وعان اسكەري اليانسقا مۇشە 19 ەل قاتىسقان.

رەيتەر اگەنتتىگىنىڭ حابارلاۋىنشا، «ديناميك فرونت 22» وقۋ-جاتتىعۋىنا ا ق ش، ۇلى بريتانيا مەن ەۋروپانىڭ ءبىرقاتار ەلىنەن 2400 سارباز جينالدى.

وسىلايشا ولار رەسەي مەن ۋكراينا اراسىنداعى قاقتىعىستار تۇسىندا اسكەري تۇرعىدان مەيلىنشە دايىن بولۋدى ماقسات ەتكەن.

اسكەري جاتتىعۋ كەزىندە 244 زىمىران، 55 قارۋ-جاراق جۇيەسى جانە مىڭنان استام سنارياد سىنالاتىنى ءمالىم. سونداي-اق ۋكرايناعا جەتكىزىلگەن ارتيللەريا، ونىڭ ىشىندە ا ق ش- تا جاسالعان M-270 زىمىران جۇيەسى دە قولدانىلادى.

ايتا كەتەيىك، ۋكراينا مۇنداي زىمىراننىڭ العاشقى پارتياسى 15- شىلدەدە اكەلىنگەنىن حابارلاعان ەدى.

الايدا قاي ەلدىڭ جەتكىزگەنى جايلى ءتىس جارمادى.

6- شىلدەدە باستالعان «ديناميك فرونت-22» شىلدەنىڭ 24 ىنە دەيىن گەرمانيانىڭ وڭتۇستىگىندەگى گرافەنۆور جاتتىعۋ اۋماعىندا وتەدى.

ستەفەن مارانيان، 56-ارتيللەريا كومانداسىنىڭ قولباسشىسى:

- يراك پەن اۋعانستاندا كورگەنىمىزدىڭ ءبارى سول كەزدەگى قاۋىپكە بەيىمدەلۋ بولعان ەدى. قازىر شىعىستاعى جاعدايدى كورىپ، رەسەي مەن ۋكراينا قاقتىعىسىندا ارتيللەريانىڭ شەشۋشى رولگە يە ەكەنىن اڭعارىپ وتىرمىز. جىلدار بويعى ازىرلىگىمىزدى باعامداپ، تەحنيكالىق جانە تاكتيكالىق تۇرعىدان ءبىر-ءبىرىمىزدى جاقسى ءتۇسىنۋ ءۇشىن سىناقتىڭ اۋقىمىن كەڭەيتتىك.

24.kz