سۇتقورەكتى جانۋارلار ازايىپ بارادى

نۇر-سۇلتان. قازاقپارات – كەيىنگى 5 جىلدا وزگە قۇرلىقتارمەن سالىستىرعاندا سۇتقورەكتىلەردىڭ ەڭ كوپ ازايۋى اۆستراليادا تىركەلىپ وتىر.

الەمنىڭ باي ەلدەرىنىڭ ىشىندە دە جانۋارلار سانىنىڭ ەڭ جىلدام قىسقارۋى دا وسى ەلدىڭ ۇلەسىنە تيەسىلى.

جەرگىلىكتى ۇكىمەتتىڭ دايىنداعان ەكولوگيالىق بايانداماسىندا وسىلاي دەلىنگەن.

ساراپشىلار بۇل كليماتتىڭ وزگەرۋىنىڭ اسەرى ەكەنىن ايتادى. سونىڭ سالدارىنان كەيىنگى جىلدارى اۆستراليادا ورمان ءورتى مەن سۋ تاسقىنى جيىلەپ كەتكەن.

ماسەلەن، 2019-2020-جىلدارى ەلدىڭ ەسىن شىعارعان الاپات ورمان ءورتى كەزىندە 5 مىڭنان اسا كوالا قىرىلىپ قالعان.

ءسويتىپ، ول جويىلىپ بارا جاتقان جانۋارلار قاتارىنا ەندى.

24.kz