اباي وبلىسى پوليتسيا دەپارتامەنتىنىڭ باسشىسى تاعايىندالدى
جەكە قۇرامعا پوليتسيا دەپارتامەنتىنىڭ جاڭا باستىعىن ق ر ىشكى ىستەر ءمينيسترىنىڭ ورىنباسارى ەرجان سادەنوۆ تانىستىردى.
بەكتورە سۇلتان 1974-جىلى 2 - ناۋرىزدا شىمكەنت وبلىسى تۇلكىباس اۋدانى ۆاننوۆكا اۋىلىندا دۇنيەگە كەلگەن.
1995-جىلى ق ر ءى ءى م الماتى جوعارى مەكتەبىن، 2003-جىلى ق ر ءى ءى م اكادەمياسىن بىتىرگەن. ءبىلىمى زاڭگەر، ىشكى ىستەر ورگاندارى باسقارۋ سالاسىنىڭ ماگيسترى.
قۇقىق قورعاۋ ورگاندارىندا 1991-جىلدىڭ 1- قىركۇيەگىنەن باستاپ جۇمىس ىستەپ كەلەدى. قىزمەتىن وڭتۇستىك قازاقستان وبلىسى ءى ءى ب- دا تەرگەۋشىسى بولىپ باستادى. ءار جىلدارى ءتۇرلى باسشىلىق لاۋازىمداردا، ونىڭ ىشىندە سولتۇستىك قازاقستان، وڭتۇستىك قازاقستان جانە تۇركىستان وبلىستارىنىڭ ءى ءى د باستىعىنىڭ ورىنباسارى بولىپ جۇمىس ىستەدى.
2019-جىلدان باستاپ قىزىلوردا وبلىسى پوليتسيا دەپارتامەنتىنىڭ باستىعى قىزمەتىن اتقارعان.
ءمينيستردىڭ ورىنباسارى ەرجان سادەنوۆ جاڭادان تاعايىندالعان باسشىعا ناقتى تاپسىرمالار بەردى.
سونداي-اق جاڭا وڭىردەگى قاۋىپسىزدىكتى نىعايتۋ مەن قۇقىقتىق ءتارتىپتى قامتاماسىز ەتۋگە باعىتتالعان ءبىرقاتار مىندەت قويدى.
