ۇشاق اپاتى كەزىندەگى ىزدەستىرۋ مەن قۇتقارۋدىڭ ۇلتتىق جوسپارى بەكىتىلدى

نۇر-سۇلتان. قازاقپارات - «قازاقستاننىڭ اۆياتسيا اكىمشىلىگى» ا ق، ق ر ي ي د م ازاماتتىق اۆياتسيا كوميتەتى جانە توتەنشە جاعدايلار مينيسترلىگى ماماندارىنىڭ بىرلەسكەن جۇمىسىنىڭ ناتيجەسىندە ىزدەستىرۋ مەن قۇتقارۋدىڭ ۇلتتىق جوسپارى ازىرلەنىپ بەكىتىلدى، دەپ حابارلايدى قازاقپارات.

بۇل جوسپار قازاقستاندا قولدانىستاعى ۇلتتىق جانە حالىقارالىق اۆياتسيالىق قوعامداستىققا ۇشۋدى ىزدەستىرۋ-قۇتقارۋمەن قامتاماسىز ەتۋ جۇيەسىن ۇسىنۋ ماقساتىندا ازىرلەنگەن.

جوسپار حالىقارالىق ازاماتتىق اۆياتسيا تۋرالى كونۆەنتسياعا «ىزدەستىرۋ جانە قۇتقارۋ» 12-قوسىمشاسىنىڭ، اۆياتسيالىق جانە تەڭىز ىزدەستىرۋ مەن قۇتقارۋ جونىندەگى نۇسقاۋلىقتىڭ (IAMSAR Manuals, DOC 9731 ) 2019 -جىلعى باسىلىم، ەۋروپالىق ىزدەستىرۋ جانە قۇتقارۋ جوسپارىنىڭ (EUR Doc 039)، توتەنشە جاعدايلاردى ىزدەستىرۋ مەن قۇتقارۋ جانە جويۋ سالاسىنداعى ۇلتتىق زاڭنامانىڭ ەرەجەلەرى نەگىزىندە ازىرلەندى. ۇلتتىق جوسپار ىزدەستىرۋ-قۇتقارۋ قىزمەتىنىڭ جۇمىسى قالاي قامتاماسىز ەتىلەتىنىن، ۇيىمداستىرىلاتىنىن جانە قولداۋ كورسەتىلەتىنىن سيپاتتايدى.

ءاربىر ىزدەستىرۋ جانە قۇتقارۋ اۋدانىنا ازىرلەنگەن ىزدەستىرۋ-قۇتقارۋ وپەراتسياسىن ۇيىمداستىرۋ جوسپارى وسىعان قوسىمشا سانالادى. ۇلتتىق ىزدەستىرۋ جانە قۇتقارۋ جوسپارىنىڭ ءماتىنى «قازاقستاننىڭ اۆياتسيا اكىمشىلىگى» ا ق ينتەرنەت-رەسۋرسىندا جاريالانادى.