الماتى كوشەلەرىنە اسفالتتىڭ جاڭا ءتۇرى توسەلىپ جاتىر

الماتى. قازاقپارات - الماتىدا اسفالتتىڭ جاڭا ءتۇرى سىناقتان وتكىزىلۋدە. بۇل تۋرالى قالالىق اكىمدىكتىڭ باسپا ءسوز قىزمەتى ءمالىم ەتتى، دەپ حابارلايدى قازاقپارات ءتىلشىسى.

الماتى اكىمدىگىنىڭ مالىمەتىنشە، پوليمەرلى بيتۋم نەگىزىندەگى اسفالت بەتوندى قوسپانى الماتىلىق جول جوندەۋشىلەر قولدانىسقا ەنگىزىپ كوردى. پيلوتتىق جوبا اياسىندا جاڭا قوسپامەن گوگول كوشەسىنىڭ اۆتوبۋس جولاعىنىڭ سولتۇستىك جاعىنداعى ءۇش ۋچاسكەسى جوندەلدى. ماماندار بۇل اۋماقتى جىل بويى باقىلاپ وتىرادى. سونداي- اق سىنامالار الىنىپ، جابىننىڭ جاي- كۇيىنە مونيتورينگ جۇرگىزۋ جوسپاردا. بۇل تاجىريبە بارىسىمەن قالا اكىمى ەربولات دوسايەۆ تانىستى. جاڭا ماتەريال الدەقايدا بەرىك جانە جولداردا ويىقتار مەن جارىقتاردىڭ پايدا بولۋىنا جول بەرمەيدى دەپ ەسەپتەلىپ وتىر.